Euroeskualdeak mugaz gaindiko proiektuen deialdia abiatu du, arlo desberdinetan
Akitania Berria-Euskadi-Nafarroa Euroeskualdeak mugaz gaindiko proiektuen deialdia abiatu du hainbat arlotan (kultura, hezkuntza, gazteria, kirola, eleaniztasuna). Hiru lurraldeetako aktoreen arteko lankidetza sustatu nahi duen deialdiak 500.000 euroko aurrekontua du.
Aurtengo lehen deialdia elkarte, enpresa, konpainia pribatu zein autonomoei zuzenduta dago, eta proiektuak aurkezteko epea uztailaren 24ra arte egongo da zabalik, bide telematikoz, 12:00ak arte, Foru Gobernuak jakitera eman duenez.
Hala, "Euroeskualdeko Hiritartasuna" ardatz izanda, ekimenak hiru lurraldeetako aktore publiko-pribatuen arteko lankidetza garatu eta dinamizatzea du helburu 2014-2020 Plan Estrategikoak zehazturiko sektore gakoetan.
Horren harira, Nafarroako Gobernuak adierazi du Akitania Berria, Euskadi eta Nafarroa eskualdeetan dauden bazkideen arteko lankidetza ekintzak sustatzeko laguntza ekonomikoa bideratzen duela.
Testuinguru horretan, mugaz gaindiko normaltasuna berrezarri eta mugaren itxieraren eragina murriztea bilatzen duten aldaketa batzuk egin dituzte deialdi honetan: besteak beste, hautaketa-irizpideak egokitu dira eta aurrekontua 50.000 euro handitu da.
Deialdi honen lehentasunak honako arlo hauetan banatzen dira: Kultura (sorkuntzari laguntzea); Hezkuntza, Gazteria eta Herritarrak; Kirola eta Eleaniztasuna.
Lehenengo blokeak sortzaile profesionalen kopurua handitu nahi du, sektore eta jarduera desberdinak indartzeko, proiektu berritzaileak sortzeko (teknologiari lotutakoak edo ez), sormenari mesede egingo dioten baldintzak sortuz eta herritarren artean kulturarekiko eta sormenarekiko interes handiagoa eta jarrera hartzaile positiboa sustatuz.
Hezkuntzaren blokean, Euroeskualdeko eta kirol arloko gazteek elkar ezagutzea eta elkarrekintza ahalbidetzea bilatzen da, eta Euroeskualdeko herritarren aldeko elementutzat jotzen da.
Azkenik, Eleaniztasunareren blokeak Euroeskualdeko herritartasun konektatua lortu nahi du, hizkuntzaren bidez komunikatu eta elkar ezagutu ahal izateko, Euroeskualdeko hizkuntzen ezagutza sustatuz (euskara, gaztelania, frantsesa eta okzitaniera).
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.