Hondarribiko porturako sarrera itxi dute jendetza bildu ostean
Hondarribiko Udaltzaingoak porturako sarrera itxi du larunbat honetan, bertan jende ugari pilatu ostean eta COVID-19agatik ezarritako distantzia soziala ez errespetatzeagatik, Hondarribiko Udaltzaingoko hainbat iturrik Radio Euskadiri jakinarazi diotenez.
Arrantzaleei bakarrik uzten diete portura sartzen. Gainera, hondartzan ere neurriak hartzea aztertzen ari dira, hor ere jende anitz bildu baita eta segurtasun neurriak urratzen ari baitira.
Ibarrangelu
Bestalde, Laidako eta Lagako hondartzeetako erabiltzaileak arauak errespetatzen ari direla eta, pozik azaldu da Jesus Maria Ziluaga Ibarrangeluko alkatea. Aurreko egunetako baino okupazio txikiagoa izan da eguerdi honetan aipatutako hondartzetan.
Ekainaren 15ean hondartzetako sasoiari hasiera emango diote baina hori heldu bitartean, hondartzak erabiltzeko araudia ezarri dute hainbat udalerritan. Hori egiten lehenak Ibarrangeluko eta EA Udalak izan dira. Horrela, erabilera "dinamikoa" arautu dute, hondartzetan kirola egin eta paseatu ahal izateko, baina denbora luzez eguzki hartzen egon gabe, jende pilaketak saihesteko asmoz.
"Jendea paseatzen dabil, bainua hartzen, dibertitzen, hondartzaz gozatzen, eta gero alde egiten du. Oso pozik gaude entsegu horrekin, eta arratsaldean eta uda osoan horrela izatea espero dugu", adierazi du.
Arauak
Gehienezko egonaldiak, sarbideen kontrola eta baita eguzkia hartzeko debekua ere, horiexek dira asteburu honetan euskal hondartzetara eguraldi onaz gozatzeko hurbilduko direnek kontuan hartu beharko dituzten arauetako batzuk. Udalerri bakoitzak bere arauak ezarri ditu, baina kasu guztietan izendatzaile komuna bainatzeko guneak arduraz erabiltzea da.
Esaterako, Donostiako Kontxa hondartzako itsasgoran bi metroko distantzia bermatzeko ezintasunaren ondorioz, Udalak debekatu egin du ostiral honetan erabiltzaileak bertan egotea.
Bestalde, Bizkaian, Aldundiak eta udalek ezarritako esparru orokorrak gehienez ere hiru orduko egonaldia gomendatzen du, kirola debekatzen du eta bandera berri bat ezartzen du, anbar kolorekoa, hondartza nahiko beteta dagoela ohartarazteko.
Zuhurtasunerako eta erantzukizunerako deia egin du Eusko Jaurlaritzak, baita pilaketak saihestearen garrantzia azpimarratu eta hondartzen erabilera dinamikoaren alde egin du. Halaber, maskaren erabileraren alde ere egin du, pasealekuetan bi metroak gordetzerik ez badago.
Zure interesekoa izan daiteke
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Atxilotuei beste bi delitu ere egotzi dizkieta: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Independentismoak 8.000-30.000 pertsona bildu ditu Rodalies tren zerbitzuaren egoera salatzeko lehen manifestazioan
Junts, ERC eta CUP alderdiek Paneque kontseilariaren eta Puente ministroaren dimisioa edo kargugabetzea eskatu dute. Arratsaldean beste manifestazio bat egongo da, garraio publikoen erabiltzaileek deituta.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.
Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Denis Itxasok 200 zuzkidura-bizitoki iragarri ditu Loiolako Erriberetarako, alkateak 400 iragarri ostean
Etxebizitza eta Hiri Agendako sailburuak "lanerako hipotesi gisa" planteatu ditu zenbaki horiek. Jon Insausti Donostiako alkateak bezperan adierazi zuten eraiki beharreko pisuak halako bi izango zirela.