Antigorputzak atzemateko baheketa-programa abiatu dute Nafarroan, osasun arloan
Nafarroan, COVID-19aren aurrean osasun arloko profesionalek duten egoera immunologikoa aztertzeko eta kolektibo horretan izan daitezkeen kutsatu asintomatikoak atzemateko baheketa-programa bat abiatu du Nafarroako Gobernuak. Ildo horretatik, sare publiko eta pribatuko 17.000 profesional sanitarioei egingo dizkiete gaitza atzemateko detekzio-probak.
Orain arte izena eman duten osasun-sareko profesionalei dagokienez, ia 11.000 sare publikokoak dira (9.050 Iruñeko osasun arlokoak dira, 1.250 Tuterakoak eta 620 Lizarrakoak) eta beste 2.400 sare pribatukoak (Nafarroako Unibertsitate Klinikako 2.000 profesional eta San Juan de Dios Ospitaleko 400 profesional inguru). Sare pribatuko zentroen kasuan, haiek arduratzen ari dira laginak biltzeaz.
Zehazki, erakunde sanitario eta soziosanitarioak infekzioaren aurkako gune seguru izaten jarraitzeko laguntzea da SEPROSANA (Nafarroako Osasun eta Soziosanitarioko Profesionalen Seroprebalentzia) baheketa-programaren helburu nagusia. Halaber, osasun arloko langileen egoera immunologikoa ezagutzeko bitarteko gisa balio izatea nahi du Nafarroako Gobernuak, "pandemia kontrolatzeko funtsezkoa den kolektiboa baita".
Testuinguru horretan, programak bi fase ditu aurreikusita: lehena hilabete honetan garatuko da eta bigarrena udazkenean hasiko da. Dena dela, horren edukia "unean uneko egoera epidemiologikora" egokituko dela jakinarazi du Nafarroako Gobernuak.
Lehen fasean, osasun arloko profesional bakoitzari antigorputzak atzemateko test serologiko bat egingo zaio, ELISA teknikaren bidez (fidagarritasun maila handia duen proba da), koronabirusa izan duen norbaitekin kontaktuan izan diren eta antigorputzak garatu dituzten jakiteko.
Proba horri esker, odolean koronabirusaren antigorputzak garatu diren edo ez baiezta daiteke, bai IgM motakoak (agertzen diren lehenak dira, eta une horretan infekzioa dagoela iradoki dezakete), bai IgG motakoak (geroago agertzen dira, eta immunitatearen garapenarekin lotzen dira).
Antigorputzen analisiak koronabirus bidezko infekzioa une horretan fase akutuan egon daitekeela adieraziz gero, profesionalari PCR proba egingo diote, koronabirusa duen argitzeko; horrela, birusaren prebalentziaren ikuspegi fidagarria lortuko da osasun-langileen eta langile soziosanitarioen artean, eta, aldi berean, tresna diagnostikoen erabilera eraginkorra egingo da.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.