AP-8ko lau erreiak uztailaren 7an irekiko dituzte Zaldibarren
Bizkaiko Foru Aldundiak jakinarazi duenez, AP-8 autobideko lau erreiak uztailaren 7an irekiko dituzte Zaldibar parean. Otsailaren 6an gertatu zen zabortegiko luizia eta orduz geroztik kalteak konpontzen eta berriro halakorik ez gertatzeko segurtasun neurriak hartzen dabiltza.
Aldundiaren egutegiaren arabera, ekainaren 30ean irekiko dituzte erreiak Donostiarako noranzkoan; eta uztailaren 7an, Bilborako noranzkoan.
Imanol Pradales Azpiegitura eta Lurralde Garapen diputatuak azpimarratu du autobidea "segurtasun berme guztiekin" irekiko dutela. Eusko Jaurlaritza horma bat eraikitzen ari da zabortegia zegoen mendi magalaren eta autobidearen artean. Halaber, Aldundiak luizien aurkako sare eta dike bana ezarri zituen martxoan.
Maiatza hasieran eraikitzen hasi ziren hormak 90 metroko zabalera eta 25 metroko altuera izango ditu.
AP-8 autobidea Donostiarako noranzkoa otsailaren 6tik dago itxita, eta beste bi erreietan zirkulazioa tarteka ematen dute.
Pradalesek azaldu duenez, zaintza sistema baten bidez, une oro monitorizatzen dute inguruan gertatzen ari dena. Horrela, bada, "zabortegian mugimendu txiki bat egongo balitz", autobidea eta Ermuko saihesbidea ixteko protokoloa martxan jarriko litzateke. Segurtasun dispositibo horretan Ertzaintzak, Trafiko Zuzendaritzak eta Bizkaiko eta Gipuzkoako foru aldundiak hartuko lukete parte.
Bestalde, Bizkaiko Foru Aldundiak 3.359.525 euro erabili ditu orain arte AP-8 autobidean eta N-6334 errepidean izandako kalteak konpontzeko.
Zure interesekoa izan daiteke
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.