Txirrindulari bat larri zauritu da ihes egin duen furgoneta batek harrapatuta
Txirrindulari bat larri zauritu da astearte honetan Ablitasen, NA-3010 errepideko 7. kilometroan, furgoneta batek harrapatuta, Foruzaingoak jakitera eman duenez.
Istripua 11:00etan gertatu da, Cascante-Barillas saihesbideko bidegurutzean, eta larri zauritu da Tuterako 71 urteko E.L.M. txirrindularia. Tuterako Reina Sofia ospitalera eraman dute pneumotoraxarekin eta garezur-garunetako traumatismoarekin.
62 urteko A.C.C. furgonetako gidaria, Ablitaseko bizilaguna, sorospen-eginbeharra ez betetzeagatik inputatu dute; izan ere, harrapaketaren ostean ihes egin du. Ihes egiteko saiaketan, alabaina, lekuko batek atxiki du, zerbitzuz kanpo zegoen Tuterako udaltzaingo batek, Foruzaingoa iritsi den arte.
Tuterako Trafikoko Foruzaingoko patruila batek diligentziak egin ditu eta atestatuetako talde batek Tuterako epaitegiari jakinarazi dio.
Zure interesekoa izan daiteke
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia geldiarazteko hartutako erabakia, eta berehalako azalpenak eskatu ditu kasuaren osasun-kudeaketako protokolo-aldaketari buruz.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gabonetako Loteriako behar baino txartel gehiago saldu zituela aitortu du Arratiko Zekorrak errugbi taldeak
Gabonetako Loteriak 15 milioi euro utzi zituen Igorren, Arratiko Zekorrak errugbi taldeak saldutako 90.693 zenbakiari esker. Hala ere, oraindik bada saria kobratzerik izan ez duenik —guztira, 2,2 milioi euro—, klubak behar baino 225 partizipazio gehiago saldu zituelako. Klubak baieztatu du 80 kaltetu inguru direla.
Auto-ilarak BI-30 errepidean, Txorierriko igarobidean, Erandion bi ibilgailuk istripua izan ostean
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.
Espainiako Gobernuak baimena eman du Kanariar Uharteetan hantabirusa duen gurutzontzia atrakatzeko, eta larri dagoen medikua han artatzea
Ontzian 147 pertsona daude eta hiru hil dira. Cabo Verden dago, eta hiruzpalau egun barru artxipelagora iristea espero dute. Bertan, egoera larrian dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.