Euskotrenek metro eta treneko gaueko zerbitzuak eskainiko ditu ostiraletik aurrera
Eusko Jaurlaritzaren esku dagoen Euskotren sozietate publikoak Bilboko metroko (3. linea) eta Bizkaia eta Gipuzkoa arteko treneko gaueko zerbitzuak eskainiko ditu berriro datorren asteburutik aurrera. Horrela, ordubete lehenago amaitu arren, COVID-19ak sortutako egoeran zehar eten zuen zerbitzua berreskuratuko du garraio konpainiak.
Euskotrenek jakinarazi duenez, alarma-egoera bertan behera geratu eta ondorengo eskariaren bilakaerari erreparatuta, ekainaren 8ra aurreratu zuen udako zerbitzuaren hasiera, udalerrien arteko joan-etorriak errazteko helburuarekin.
Orain, asteburuetako gauetan eskaintzen duen zerbitzua ezarriko du berriro, Bilboko metroaren 3. linean ostiral eta larunbatetako zerbitzua eta trenean larunbatetako zerbitzua eskainiz.
Zehazki, Bilboko metroaren 3. linean, ostiral gauean, bederatzi zerbitzu izango dira Kukullaga/Etxebarritik, 00:08tik 02:08ra, eta hamar Matiko/Bilbotik, 00:00etatik 02:15era; larunbat gauean, aldiz, Kukullaga/Etxebarritik hamar zerbitzu eskainiko dira 00:08tik 03:08ra, eta bederatzi Matiko/Bilbotik 00:00etatik 02:15era.
Larunbat gaueko tren zerbitzuei dagokienez, Bilbo-Deba tartean, Bilbotik zerbitzu bat izango da Debara (23:45ean irtengo da Matikotik) eta beste bat Trañara (01:45ean irtengo da Matikotik), eta Debatik bat izango da Bilbora (01:40an).
Kukullaga-Lezama tartean, Kukullaga/Etxebarritik bi zerbitzu izango dira, 00:08an eta 02:08an, eta Lezamatik bat, 00:51n. Zornotza-Bermeo tartean, noranzko bakoitzeko zerbitzu bat izango da (00:19an irtengo da Zornotzatik eta 01:18an Bermeotik), eta beste bat Zornotzatik Gernikara (02:19an).
Topoari dagokionez, Lasarte Oria-Hendaia tartean, Lasartetik hiru zerbitzu izango dira Hendaiara (00:00etan, 01:00etan eta 02:00etan), eta Amaratik Altzara beste bi (00:52an eta 01:52an). Kontrako noranzkoan, hiru zerbitzu izango dira Hendaiatik Lasartera (00:03an, 01:03an eta 02:03an; Amaran amaitzen da), eta beste hiru Altzatik Amarara (00:05ean, 01:05ean eta 02:05ean).
Informazio gehiago eskuratu nahi dutenek erabilgarri dituzte Euskotrenen telefonoa (944 333 333) eta Euskotrenen webgunea.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.