Azpeitiko Udalak herriko taberna guztietako langileei PCRak egitea erabaki du
Azpeitiko Udalak herriko taberna eta jatetxe guztietako arduradunei eta langileei, alde zaharrekoei ez ezik, PCR probak egiteko eskatu die, hilaren 13an atzemandako covid-19aren agerraldiari aurre egiteko, orain arte 89 kutsatu baitaude.
Gipuzkoako Udalak ohar baten bidez jakinarazi duenez, hasiera batean Erdikale kaleko tabernen gunean kokatu zuten "fokua", baina "prebentzioz" eta Eusko Jaurlaritzako Osasun Sailarekin "ados jarrita", "herri osoko ostalaritzako langile guztiei" detekzio-probak egitea erabaki dute.
Horretarako, Udalak gaur zuzenean eta gutun bidez eskatu die PCR probak egin ditzatela, koronabirusaren agerraldiaren "dimentsioak lehenbailehen jakiteko" eta "egoerari ahalik eta azkarren buelta ematen hasteko".
Testetan langileren batek positibo ematen badu, Udaleko arduradunak lokaleko kudeatzaileekin harremanetan jarri ahal izango dira, eta erakundea lokala desinfektatzeaz arduratuko da, dagoeneko alde zaharreko taberna eta jatetxeekin egin den bezala.
Atzo inguru horretako "ostalaritza establezimendu guztiak" desinfektatuta geratu zirela jakinarazi zuen Azpeitiko Udalak ohar batean, eta egun "covid-19rik gabeko toki seguruak" direla egiaztatzen duen "ziurtagiria" jasoko dutela adierazi du.
Ziurtagiria jaso ondoren, "lanean segurtasun osoz hasteko aukera izango dute", gaineratu du Udalak.
Azpeitiko alde zaharreko tabernak ixtea izan zen joan den ostiralean udal arduradunen eta ostalaritzako lokalen arteko bilera batean adostutako neurrietako bat, Udalak zehazten duenez. Bileran establezimendu horiek desinfektatzea ere erabaki zuten.
Josu Labaka Zerbitzu Orokorretako zinegotziaren esanetan, Udalaren helburua "fokua ahalik eta gutxien zabaltzea da".
Ostalaritza-establezimenduak desinfektatzeko lanak Udalak kontratatutako enpresa espezializatu batek egiten ditu.
Eusko Jaurlaritzako Osasun Sailak emandako azken datuen arabera, igandean egindako PCR proben ostean, Azpetiko fokuak 89 kutsatu ditu, eta kopuru horrek gora egin dezake gaur, atzo udalerrian egin ziren baheketa-testen emaitzak ezagutzera ematen direnean.
Horiei, joan den aste hasieran Loiolako Espiritualtasun Zentroan atzemandako beste lau gehitzen zaizkie.
Zure interesekoa izan daiteke
Sutea piztu da Urkila-Elgea mendilerroan, Barrundian
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Suhiltzaileak bertaratu dira.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.