Arabako egoitzetako erabiltzaileen senideek bisitak egunero egitea eskatu dute
Arabako egoitzetako eta eguneko zentroetako erabiltzaileen senideek egunero bisitak egiteko baimena eman diezaietela eta adinekoak kalera paseatzera atera ditzatela eskatu dute, itxieraren ondorioak oso larriak eta atzeraezinak izaten ari direlako eta covid-19aren aurrean "arriskurik ez egotea ezinezkoa da".
Senide horiek elkarretaratzea egin dute asteazken honetan Gasteizen, Foru Jauregiaren aurrean, honako kartel hauekin: "gure adinekoen isolamenduari ez", "beste guztiek bezala, normaltasun berria bizitzeko eskubidea", "mugitzeko askatasuna egoiliarrentzat" eta "adinekoa isolatua, adinekoa arriskuan".
Hedabideen aurrean egindako adierazpenetan, kolektibo horretako bozeramaile batek aitortu du egoitzetako langileek lan handia egin dutela, baina uste du Aldundiaren eta Eusko Jaurlaritzaren helburu bakarra dela adinekoak covid-19arengandik ez kutsatzea eta berdin zaiela "nola egin".
Arriskua ez egotea ezinezkoa da eta senideak ez direla "burugabe" batzuk azpimarratu du: "Badakigu koronabirusa hemen dagoela, eta neurri guztiak hartu behar ditugula". Soilik "bisita duinak" eskatzen dituztela aitortu du, eta haiekin kalera paseatzera ateratzea eskatu dutela, ez merkataritza zentroetara, ezta jendetza handiko guneetara ere.
Egoitzetako erabiltzaileek jendea kaletik paseatzen ikusten dutela deskribatu du, eta ez dutela ulertzen zergatik haiek ez duten eskubide hori.
Halaber, kritikatu du Arabako Aldundiak adinekoak, ahulenak direlako, babestu behar direla esaten duela, eta egoitzen erabiltzaile zein langile guztiei PCR probak egingo zizkietela adierazi zuela, eta oraindik ez duela bere hitza bete azpimarratu dute.
Bozeramaileak adierazi du bera positibo bat erregistratzen den taberna batean badago, hurrengo egunean proba egingo diotela adierazi du. "Non dago Aldundiak aipatzen duen prebentzio hori?", "Ez da betetzen" nabarmendu du.
Azkenik, egoitza eredua aldatzeko ezer egin ez izana deitoratu du, itxiera garaian foru erakundeak behar hori aitortu arren. "Abuztuan gaude, eta berdin gaude", deskribatu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.