Aldi berean pertsona biren bisita jaso ahal izango dute adinekoek zahar-egoitzetan
Aldi berean pertsona biren bisita jaso ahal izango dute adinekoek Euskadiko zahar-egoitzetan. Bestalde, adinekoek debekatuta izango dute zentrotik ateratzea, Nekane Murga Osasun sailburuak iragarri duenez.
Gasteizen emandako prentsaurrekoan Murgak azaldu du Osasun Saila foru aldundiekin bildu zela asteazkenean, COVID-19a dela eta, uztailaren 18an hartutako neurri bereziak aztertzeko.
Esan bezala, bisiten inguruko erabakiak hartzeaz gain, adinekoen irteerei buruz ere jardun zuten. Hartara, halabeharrezkoak diren kontuetarako soilik irten ahal izango dira adinekoak zahar-egoitzetatik. "Oraingoz, ez dute kalera irteteko aukerarik izango; bai, ordea, zentro barruko lorategietan edota leku komunetan ibiltzeko", zehaztu du Osasun sailburuak.
"Kasu batzuetan bisitak nahitaezkoak dira, horregatik erabaki dugu duela bi asteko egoerara itzultzea", gaineratu du.
"Alegia, adinekoek senitarteko edo lagun biren bisita jaso ahal izango dute aldi berean", berretsi du Murgak. "Sintomak dituztenek edo positiboren batekin harremana izan dutenek ez dute zahar-egoitzetan sartzeko baimenik izango", azpimarratu du.
Murgaren esanetan, arriskutsua da bisitak onartzea, baina "handia da, halaber, adinekoei egiten dien mesedea".
Goiz erantzun dugu
Barakaldoko zahar-egoitza batean izandako kasu positiboaren harira, Murgak adierazi du neurri bereziak hartu dituztela. "Aurreikusitakoaren arabera, gaur bertan izango ditugu PCR proben emaitzak", argitu du.
"Goiz erantzuten ari gara, eta hori da izan behar dugun jokabidea", amaitu du.
Zure interesekoa izan daiteke
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
A-12 errepidea moztu dute Mañeru parean, etxe batean piztutako sutea mendira zabaldu ondoren
Bi etxe kaltetu dira, eta hainbat hustu behar izan dituzte. Sutea kontrolpean hartu dute suhiltzaileek, baina ke handia zabaldu da errepidean.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.