Hiru adineko hil dira Bizkaiko eta Gipuzkoako egoitzetan
Bizkaiko Foru Aldundiak gaur jakitera eman duenez, adinekoen egoitzetako beste bi erabiltzaile hil dira, hortaz, COVID-19ko pandemiaren bigarren agerraldian lau pertsona hil dira guztira.
Gipuzkoaren kasuan, COVID-19arekin diagnostikatutako adineko pertsona bat hil da azken orduetan, Donostiako Hermano Garate-San Ignacioko egoitzaren erabiltzaile bat.
Pandemiaren bigarren agerraldian egoitzako erabiltzaileen artean izan den bigarren heriotza da. Oraingoz, birusak ez du eraginik izan Gipuzkoako beste zentroetako erabiltzaileengan.
Hildakoa ospitaleratuta zegoen osasun egoera delikatuagatik, Donostiako egoitza bereko 90 urteko emakumea bezala, duela hamar egun hil baitzen COVID-19an positibo eman ondoren.
Eider Mendoza foru bozeramaileak adierazi duenez, azken orduetan beste bi positibo antzeman dituzte zentro horretako erabiltzaileen artean, eta dagoeneko zazpi dira diagnostiko positiboa dutenak. Horietatik sei Eibarko Ospitaleko planta soziosanitarioan daude, eta zazpigarrena Donostiako Ospitalean.
Azken orduetan Bizkaiko egoitzetan egindako PCR proben emaitzen artean 83 erabiltzailek eman dute positibo, duela bi egun baino 52 gehiago.
Beste hamar erabiltzaile ospitaleratuta daude, positibo eman dutela baieztatuta. Egoitzetako 69 langile kutsatu daude, eta beste 78 isolamenduan, baina Covid-19a dutela baieztatu gabe.
Egun lau zentro daude kaltetutako egoiliarrak dituztenak: Truiuondo-Zamudio (26), IMQ Igurco Zorrozgoiti-Bilbao (28), Elorduy-Barrika (28) eta Miranda Fundazioa (1).
Gainera, Birjinetxeko unitate soziosanitario espezializatuak 80 pertsona hartzen ditu. Horietatik, 59 egoitza-zentroen sareko erabiltzaileak dira, eta 21 pertsona, berriz, hauskortasun-egoeran daude, eta ospitaleratuak izan ostean berrogeialdia egiten ari dira.
Gipuzkoako gainerako egoitza-sarean (65 zentro eta 5.425 leku ditu) ez dago kasu positiborik egoiliarren artean.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.