Heriotzek % 7,7 egin zuten gora lehen hiruhilekoan, nagusiki COVID-19agatik
2020ko lehen hiruhilekoan 6.475 heriotza izan ziren Euskal Autonomia Erkidegoan (EAE), aurreko urteko epe berean baino % 7,7 gehiago, Eustatek gaur emandako datuen arabera. COVID-19a 500 heriotzaren erantzule izan zen, denak martxoan.
Hiru lurraldeetan igo ziren heriotzak, baina bereziki esanguratsua izan zen Araban izan zen gorakada, % 33,8 bertakoa izan baitzen, 962 pertsona. Bizkaian, heriotzek % 5,5 egin zuten gora (3.549 hildako), eta, Gipuzkoan, % 1,9 (1.964 hildako).
Heriotza kausa nagusiak tumoreak eta zirkulazio-sistemako gaixotasunak izan ziren; 1.662 eta 1.501 heriotza, hurrenez hurren. Alegia, bi horiek heriotzen % 48,9 izan ziren. Hirugarren heriotza kausa arnas gaixotasunak izan ziren; 693 heriotza egon ziren (% 10,7). Koronabirusa laugarren heriotza kasua izan zen, 500 pertsona hil ziren COVID-19ak jota.
2020ko lehen hiruhilekoan, hain justu, hasi zen COVID-19aren pandemia, eta lehen heriotzak martxoan izan ziren. 500 izan ziren guztira, bi taldetan banatuta: 427 egiaztatutako COVID-19aren ondorioz, eta 73 ustezko COVID-19aren ondorioz; gainera, beste 17 heriotzatan COVID-19a ziurtatutako heriotza-kausen artean egon zen, baina ez zen funtsezko kausa izan.
Lurraldeka, heriotza zifrarik altuena Bizkaian erregistratu zuten (240), ondoren Araban (180) eta, gero, Gipuzkoan (80). Hiriburuei dagokienez, Gasteiz nabarmendu behar da (151 heriotza), gero Bilbo (77) eta, azkenik, Donostia (17). Aipatzekoa da, halaber, gaitzak Basaurin izandako eragina (40 heriotza).
Gizonen heriotza kopuruak (302) % 50etik gora gainditu zuen emakumeena (198). Adinen arabera, eragin gehien jasan zuten taldeak 80-89 urte artekoena (219), 70-79 urte artekoena (112), 90-99 urte artekoena (107) eta 60-69 urte artekoena (41) izan ziren, eta, besteetan, ez zen ia heriotzarik egon edo ez zen heriotza bat ere egon.
Heriotza horiek, nagusiki, Euskadiko ospitaleetan gertatu ziren (% 79,8), eta, ondoren, adinekoen egoitzetan (% 10,6), etxeetan (% 7,2) eta beste leku batzuetan (% 2,4).
Eustatek zehaztu duenez, martxoan heriotza kopuruan izandako gorakada (2019ko hilabete berarekin alderatuta, 686 heriotza) ez dagokiola bakarrik COVID-19ari.
Zure interesekoa izan daiteke
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.