Birusari eusteko ezohiko neurriak Fustiñanan ere
Fustiñanan COVID-19ari eusteko ezohiko neurriak ezartzea erabaki du Nafarroako Osasun Departamentuak. Neurriak gauerdian sartuko dira indarrean, eta 15 eguneko iraupena izango dute.
Ordutegi, aforo eta taldeen pertsona kopurua mugatzeko neurriak aplikatuko dituzte, baina ez dute mugikortasuna murriztuko, Alesbes, Valtierra, Cadreita, Zarrakaztelu, Castejon eta Cintruenigon atzo erabaki bezala.
Azken 14 egunetan kasu ugari zenbatu dituzte udalerri horietan, batezbestekoa aise gaindituz. Horregatik, neurri murriztaileak areagotzea beharrezkoa zen, Nafarroako Gobernuaren arabera, osasun publikoa babesteko eta kurba leuntzeko.
Azken finean, bizitza ekonomiko eta sozialari kalte larria egin diezaioketen neurri zorrotzagoak saihestea dute helburu.
Esparru publikoan zein pribatuan (ostalaritza, saltokiak, kirola, kultura etab) aforoak eta taldeen pertsona kopurua mugatzen dituzte neurriek Erriberako zazpi udalerritan. Printzipioz, neurriak urriaren 9tik 24ra egongo dira indarrean, beti pandemiaren bilakaeraren menpe.
Erriberako zazpi udalerritan hartutako neurriek, besteak beste, esparru pribatuan 6 pertsona baino gehiago biltzea debekatzen dute, dagoeneko indarrean Nafarroa osoan, baina esparru publikoan soilik.
Sektoreka, tabernek % 50eko aforoa izango dute barruan eta terrazetan, eta 6 pertsona baino gutxiagoko mahaiak bakarrik zerbitzatu ahal izango dituzte, 00:00etan itxiz, baita jatetxeek ere.
Ordutegien inguruko azken arau hori Funesen eta Faltzesen ere aplikatuko dute.
Era berean, aforo muga saltokiei eta azokei ezarriko diete, baita beste murrizketa batzuk ere ekitaldi sozialetan.
Bestalde, kirol eta kultura instalazioak eta parke publikoak itxiko dituzte. Ezkontza, bataio zein beste ospakizunetan 18 pertsona baino gehiago ez dira batuko barruan, eta 36 kanpoan. Horregatik, ospakizun horiek intimitatean eta familiartean egiteko gomendioa eman du Osasun Departamentuak.
Bestalde, Osasun Departamentuak, San Adriango Udalarekin elkarlanean, ezohiko neurriak urriaren 16ra arte luzatzea erabaki du, bilakaera epidemiologikoa ikusita.
Kasu horretan, ordutegiak, aforoak eta pertsonen kopuruak murriztu dituzte esparru pribatu zein publikoan (ostalaritza, saltokiak, kirola, kultura etab), baita joan-etorriei mugak ezarri ere herriko irteeratan eta sarreratan. Zentzu horretan, herritarrek ezinbesteko joan-etorriak egiteko baimena eman dute soilik.
Azkoien egoera berdinean dago.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.