Tolosako Asuncion ostegunean itzuliko da normaltasunera, agerraldia kontrolatuta

Klinikak azaldu duenez, egoera egonkorra bada, gaixoak hartuko dituzte eta kirurgiak jarriko dituzte martxan, baina murrizketekin jarraituko dute.

agentziak | erredakzioa

2020/10/13 - 20:36

Azken eguneratzea

2020/10/13 - 20:41

Tolosako Asuncion Klinikak kontrolatutzat eman du COVID-19 agerraldia atzotik positibo gehiago ez dutelako atzeman, eta ostegunean ohiko jarduerara itzultzeko asmoa du, klinikak berak jakitera eman duenez.

Zentroaren arabera, egoera egonkorra bada, ostegunean itzuliko da ohiko jarduera. Hori horrela, kirurgiak jarriko dituzte berriro martxan, eta larrialdiko ospitaleratzeak ez dituzte Bidasoko eskualdeko ospitalera bidaliko.

Kanpoko kontsultak eta anbulategiko jarduerak ohiko legez egongo dira martxan, "ez baitira sekula gelditu". Gaixoen eta langileen segurtasuna bermatzeko, gaur zentroko areto guztiak desinfektatuko dituzte.

Era berean, ospitaleratuta daudenen bisitak mugatuta egongo dira, eta gaixo bat egongo da gelako. Bestalde, datozen lau asteotan PCRak egingo dizkiete astean behin langile guztiei.

Klinikatik azaldu dute neurriak "Eusko Jaurlaritzaren Osasun Sailarekin adostuak" izan direla, eta horrekin "harreman estuan" jarraituko dutela, "lehenengo kutsatzeak atzeman zirenetik egin duten moduan".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Zure interesekoa izan daiteke

Hiria eta donostiarrak "errespetatzeko" eskatu die Donostiako alkateak Olympique Lyoneko jarraitzaileei

Ertzaintzak kontrolak ezarri ditu Biriatun, Realaren eta Lyongo Olympiquen arteko partida dela eta

Ertzaintzak Realaren, Alavesen eta Celtaren 20 zale "erradikal" inguru identifikatu ditu Donostian

Zazpi urteko kartzela-zigorra ezarri diote gizon bati, lo zegoen 14 urteko adingabe bat bortxatzeagatik

18:00 - 20:00

ErNEk Tolosako bi udaltzaini egindako eraso bat salatu du, esku-hartze batean larri zauritu zituzten

MARSEILLE (France), 05/11/2026.- People take part in a demonstration in Marseille, France, 05 November 2026. Trade unions called for a nationwide day of protests against government policy. (Protestas, Francia, Marsella) EFE/EPA/GUILLAUME HORCAJUELO

Greba orokorra Iparraldean, bizitzaren garestitzearen aurka

Zupiria: "Ertzaintzak eta Donostiako Udaltzaingoak hartu dituzte hartu beharreko neurriak gaurko partiduari begira"