Jaurlaritzak ekitaldi sozialak "ahalik eta gehien" murrizteko eskatu du
Eusko Jaurlaritzaren Osasun Sailak ekitaldi sozialak eta elkartzeak "ahalik eta gehien" murrizteko deia egin die herritarrei, azken egunotan COVID-19aren pandemiak izan duen gorakadari aurre egite aldera.
Ignacio Garitano Osasun Sailaren Kontrol eta Zaintzako programaren koordinatzaileak azken astean pandemiak izan duen joerari buruzko datuak eman ditu. Hala, azken astean 3.198 kasu atzeman dituzte EAEn (1.385 Bizkaian, 1.303 Gipuzkoan, eta 428 Bizkaian).
100.000 biztanleko tasak azken egunotan igo egin da; izan ere, 247,9koa zen urriaren 5ean, 263,2koa hilaren 11n, eta 286,8koa gaur egun. Guztira 4.453 kasu aktibo daude EAEn, eta 9.842 pertsona, isolatuta.
Garitanoren arabera, ekitaldi sozialek eta familia elkartzeek lagundu egin dute kasuen gorakadan; horregatik, "beharrezkoa da ahalik eta gehien murriztea elkartzeak", eta "kutsatzea ahalbidetzen duten arrisku egoerak saihestea".
"Herritarrei arduraz jokatzea eskatzen diegu, gorakada gelditzea jarreraren menpe" dagoelako, azaldu du Garitanok, eta ez du argitu kasuek datozen egunetan gora egiten jarraitzen badute murrizketa gehiago egingo ote dituzten.
Jaunartzeek, "futbol partidak ikusteko geratzeak", familia bazkariek, bataioek edo ezkontzek kutsatzeak ugari ditzaketen ekitaldiak direla berretsi du, eta indarrean dauden neurriak bete behar direla jende pilaketak saihesteko.
Beasainen eta Irunen egingo dituzten baheketen berri eman du, eta Azkoitiko (35 positibo 3.072 probatik) eta Gasteizko (baheketa ez da amaitu, baina 21 positibo daude 2088tik) emaitzak jakinarazi.
Azpimarratu du baheketa horiei esker positibo batzuk atzeman dituztela, ezkutuan zeudenak, eta atzeman ez balituzte kutsatze gehiago egongo ziratekeela.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.