"Denon artean ibilbidea eraikitzen jarraitzeko" deia egin dute Bizkaiko ikastolek
2020ko Ibilaldiak agur ekitaldi berezia egin du Elorrion. Bizkaiko ikastolen ohiko jaialdia ezin eginda, ekitaldi berezia antolatu dute, urte osoko prozesuari bukaera emateko.
Maiatzaren 31n ospatzekoa zuten Bizkaiko ikastolek 2020ko Ibilaldia, baina pandemiaren eraginez, bertan behera utzi zuten, eta urriaren 18ko data berria jarri zuten, "gizarteari zor diogun erantzuna emateko". Gaur, agur ekitaldia egin dute ,"arduraz eta erantzukizunez".
Elorrioko Txintxirri Ikastolako gazteen bertsoek eta dantzek eman diote hasiera ekitaldi bereziari. Imanol Ituiño magoak eta Xabier Aburruzagaren musikariak ere parte hartu dute.
Elorrioko Ikastolak gogorarazi duenez, gonbidatu kopurua murriztu behar izan dute ekitaldia egin ahal izateko. Bertan izan dira Koldo Tellitu Ikastolen Elkarteko lehendakaria, Josune Bañales Ibilaldia Elkarteko lehendakaria eta Idoia Buruaga Elorrioko alkatea.
Ibilaldiak "oztopoak oztopo aurrera" egin duela nabarmendu dute antolatzaileek. "Denon artean gure ibilbidea eraikitzen jarraituko dugu", esan dute.
Txintxirrik urte osoan ikastolako langileek, gurasoek eta ikasleek egindako lana goraipatu, eta eskerrak eman dizkie. Besteak beste, maiatzaren 31n online ekitaldi parte-hartzaile bat egin zuten. Abenduaren 3an, Euskararen Egunean, "liburu ibiltari" bat aurkeztuko dute, iazko abendutik Bizkaiko ikastola guztietan zehar osatutakoa.
Azaroaren 13an, Donostiako Kursaalean, ekitaldi berezia egingo dute Euskal Herriko Ikastolen jaialdi guztiek, elkarrekin: Ikastolak Herriari ikuskizuna. Datorren astetik aurrera izango da sarrerak eskuratzeko aukera, "primerako kantaldi eta dantzaldiak gozatu ahal izateko Euskal Herri osoko ikastolen aldeko ikuskizunera" joateko.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.