Ez, Urkulluk ez du esan asteazkenean konfinamendua ezarriko duela
Ez Iñigo Urkullu lehendakariak, ez Eusko Jaurlaritzak, ez dute esan asteazkenean herritarrak konfinatuko dituztenik. Kontrakoa baizik, adierazi dute "azkeneko aukera" dela hori.
eitb.eus-en erredakzioan neurri hori, oraingoz bederen, baztertzen duten informazioak jaso ditugu.
Hala, Eusko Jaurlaritzaren Osasun Sailak berretsi egin du osasun egoera "larria" dela eta kutsatze kopuruak gorako joerari eusten diola, "abiadura moteldu bada ere".
Ignacio Garitano Osasun Saileko eta Osakidetzako Zaintza eta Kontrol Programaren koordinatzaileak agerraldia egin du arratsaldean, COVID-19aren pandemiaren eraginari buruzko datuak emateko.
Etxeko konfinamenduaz galdetuta, Garitanok esan du oraingoz ez dutela horrelako erabakirik hartu eta, edonola ere, neurri hori "azken aukera" izango litzatekeela zehaztu du.
Iñigo Urkullu lehendakariak, berriz, goizean jakinarazi du Jaurlaritzak asteazkenean edo ostegunean egingo duela bilera neurriak zorroztu ala ez erabakitzeko, eta aukera guztiak mahai gainean izango direla onartu du.
"Egoera oso kezkagarria da, baina osasuna eta ekonomia bermatzeko oreka bilatuz aztertuko dugu gaia”, azaldu du Radio Euskadin egindako elkarrizketan. Hori bai, ohartarazi du "dena mahai gainean" dagoela.
Alabaina, Salvador Illa Osasun ministroak aukera horri indarra kendu dio eta berretsi egin du Espainiako Gobernuak ez duela etxeko konfinamendurik aurreikusten. "Une honetan ez dugu horrelakorik aurreikusten eta ez gara aukera hori lantzen ari", azpimarratu du.
Ikuspuntu juridikoari dagokionez, Garbiñe Biurrun EAEko Justizia Auzitegi Nagusiko jarduneko presidenteak esan du alarma egoera ezartzeko onartu zuten urriaren 25eko Errege-dekretuak ez duela etxeko konfinamendurik aurreikusten eta, beraz, neurri hori egun hartu ezingo litzatekeela ziurtatu du.
Euskadi Irratian egindako elkarrizketa batean, Biurrunek zehaztu du dekretu berri bat argitaratzea edo urriaren 25eko berritzea ezinbestekoa izango litzatekeela etxeko konfinamendua agindu ahal izateko.
EiTBk, #Koronabuloak ekimenean, Maldita.es-ekin, VOSTEuskadi Euskadiko Boluntario Digitalen Elkartea ere du bidelagun, koronabirusaren inguruan sortzen diren buloak geldiarazteko, eta Eva Caballerok Radio Euskadin zuzendu eta aurkezten duen La Mecanica del Caracol dibulgazio-saioko komunitate zientifikoaren laguntza ere badu. Gainera, EiTBk erabiltzaileen abisuak jasotzen ditu, 600 900 454an, alegia, #Koronabuloak ekimeneko WhatsApp zenbakian.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.