Kutsatzeak goraka doazela eta egoera larria dela ohartarazi du Osasun Sailak
Eusko Jaurlaritzaren Osasun Sailak ohartarazi du osasun egoerak "larria" izaten jarraitzen duela eta kutsatze kopuruak gorako joerari eusten diola, "abiadura moteldu bada ere".
Ignacio Garitano Osasun Saileko eta Osakidetzako Zaintza eta Kontrol Programaren koordinatzaileak agerraldia egin du arratsaldean, COVID-19aren pandemiaren eraginari buruzko datuak emateko.
Etxean konfinatzeko aukerari buruz galdetuta, Garitanok esan du oraingoz ez dutela horrelako erabakirik hartu eta, edonola ere, neurri hori "azken aukera" izango litzatekeela zehaztu du. Ildo horretan, Jaurlaritzak ezarritako neurri murriztaileak eraginkoarrak diren jakiteo aste hau "erabakigarria" izango dela adierazi du.
Osasun egoerari dagokionez, Garitanok jakinarazi du egun 11.732 pertsona daudela koronabirusarekin, eta kasu bakoitzeko bataz beste 4,4 kontaktu estu daudela.
Joan den astean, 41.083 proba egin zituzten Euskal Autonomia Erkidegoan, eta 3.627 positibo baieztatu ziren. Lurraldez lurralde, Araban 383 lagun kutsatu ziren, Bizkaian 1.680 eta Gipuzkoan 1.551.
Azken 14 egunetan 693,14 kasu detektatu dira 100.000 biztanleko. Beraz, kutsatze maila "altua" dela ohartarazi du. Positiboen tasa gaur % 7,8koa da eta kutsatze ahalmena adierazten duen tasa, berriz, 1,09koa da. "Bi adierazle horiek pixka bat jaitsi dira", erantsi du.
Garitanok esan du Osakidetzaren kontingentzia planean bigarren agertokian dagoela EAE eta zainketa intentsiboetako unitateetan 268 ohe daudela libre eta 213 okupatuta, pazienteen 104 koronabirusarekin kutsatuta daudelarik.
Ildo horretan, ez du ospitaleetako egoerari buruzko datu zehatzik eman nahi izan, baina adierazi du Gipuzkoako erietxeetan "apur bat estuago" daudela. "Euskadin distantziak oso laburrak dira eta ez litzateke arazorik egongo gaixo batzuk lekualdatzeko", gaineratu du.
"Ikusten denez, egoerak larria izaten jarraitzen du. Kutsatzeak goraka doaz, abiadura pixka bat moteldu bada ere. Pandemiaren bilakaera egunez egun aztertzen jarraituko dugu, baina aste hau erabakigarria izango da hartutako neurriak eraginkorrak izan diren ala ez jakiteko", azaldu du.
Horrenbestez, gaineratu "goizegi" dela joan den astean ezarritako neurrien balorazioa egiteko eta "zuhurtzia" eskatu du.
Etxeko konfinamenduaz galdetuta, Garitanok azpimarratu du "azken aukera" izango litzatekeela eta agertoki horretara ez iristeko neurri guztiak aplikatzen saiatuko direla.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.