Bizkaiko 2 erresidentziatan 37 positibo atzeman dituzte, baina 23k ez dute sintomarik

Munitibarko Oizpen eta Barakaldoko Vitalitas Santa Teresan egindako baheketen emaitza da hori. Gipuzkoan pertsona bat hil eta 11 kutsatu dira koronabirusarekin; eta Araban, sei kutsatu zentro batean.

49 positibo Munitibar eta Barakaldoko zahar-egoitzetan: 37 egoiliar eta 12 langile

agentziak | erredakzioa

2020/11/10 - 22:04

Azken eguneratzea

2020/11/10 - 22:09

Bizkaiko Aldundia Munitibarko Oizpe eta Barakaldoko Vitalitas Santa Teresa erresidentzietan egiten ari den baheketetan 37 positibo atzeman dituzte, horietako 23 sintomarik ez duten egoiliarrenak.

Aldundiko iturrietatik jakinarazi dutenez, Oizpen 97 PCR egin dituzte egoiliarren artean, eta 20k eman dute positibo; horietatik 7k ez dute sintomarik, pertsona bat ospitaleratu dute eta 7 Birjinetxera eta Unbera eraman dituzte.

Langileen artean 53 PCR egin zituzten, eta 7k eman dute positibo.

Barakaldoko Vitalitas Santa Teresa egoitzan 76 egoiliarri eragin zien baheketak, eta horietako 17k positibo eman zuten, guztiak sintomarik gabekoak, bat izan ezik. Gainera, 6 egoiliar unitate berezietara bideratu zituzten.

Zentro horretan 30 langileri egin zieten testa, eta 5ek eman dute positibo.

Atzo, 12 zentro zeuden Bizkaian kutsatutako egoiliarrekin; aipatutakoez gain, hauek: Aspaldiko-Portugalete (8), Aitzea-Gamiz-Fika (7), Olimpia-Bilbo (7), Anai Cantero II-Bilbao (5), Begoñako Ama (3), Aresti-Bilbao kondea (2), Indautxu Gurena-Bilbao (1), Loiu Gurena- Loiu (1), Joxe Miel Barandiaran (1), eta Zorrozgoiti-Bilbo (1).

Gipuzkoa

Adineko pertsona bat hil da eta beste hamaika COVID-19arekin kutsatu dira Gipuzkoako Foru Aldundiaren egoitza-sarean azken orduetan, Aldundiak jakitera eman duenez.

Hildako pertsona Errenteriako Jesusen Bihotza zentroan bizi zen; positibo berri horietatik, zazpi Zorroaga egoitzan (Donostia), bi Julian Rezolan (Donostia), bat San Juan Bautistan (Andoain) eta beste bat Jesusen Bihotzean daude.

Gaur egun, 188 COVID-19 kasu aktibo daude: Bergarako Mizpirualde (1), Alai-Etxe (15), Berra (1), Lamourous (19), Hermano Garate-San Ignacio (1), Txara II (19), Villa Sacramento (1), Bermingham (9), Julian Rezola (9) eta Zorroaga (30) Donostian, eta Zumarragako Argixaon (9), Errenteriako Jesusen Bihotzean (22), Zumaiako Otezurin (1), Hondarribiko San Gabrielen (1), Oiartzungo Petra Lekuonan (1), Beasaingo Arangoitin (23), Andoaingo San Juan Bautistan (21), eta Irungo Anakan (5).

Zazpi dira ospitale-arreta behar duten eta ospitaleratuta dauden pertsonak, eta beste 102 Gipuzkoako egoitzetatik eratorritako COVID-19 kasuak artatzeko erreferentziazko bi zentroetan, Eibarko Ospitaleko gizarte-solairuan eta Ordiziako San Jose zentroan artatzen ari dira.

Pandemiaren bigarren olatuaren lehen positiboak atzeman zituztenetik, abuztuaren 11tik, 119 adinekok gainditu dute gaixotasuna eta 51 pertsona hil dira.

Araba

Gasteizko Ajuria erresidentzian egindako baheketa bati esker, sei koronabirus kasu berri antzeman dituzte bertan bizi diren pertsonen artean.

Atzo, zentro horretan positibo eman zuen zuzeneko arretako langile baten berri eman zuten, etabaheketa orokor bat egitea erabaki zuten erabiltzaileentzat eta zentro horretako langileentzat.

Bestalde, Foru Aldundiak jakitera eman duenez, San Frantzisko Xabierkoa (Arratzua-Ubarrundia) etxebizitza komunitario pribatuan bizi den pertsona batek positibo eman du. Horrela, une honetan kutsatutako pertsonak 45 dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Albiste gehiago gizartea

Arantzazura eraman dituzte jada Donostian kalean bizitzen egon diren Maliko 50 migratzaileak

Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan abiatu da lekualdaketa Amara Berri ikastetxe publikotik, Donostiako Kofradien plazatik gertu.

Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera

Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.

Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna

Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.

18:00 - 20:00

Gizon bat atxilotu dute Bilbon, Atxuri auzoko eraikin bateko fatxadari su emateagatik

Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.

Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"

Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.

Gasteizko Mugimendu Feministak "intentsitate handiko" bi sexu-eraso salatu ditu ostegun gauean

Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.

Detalle de la vértebra cervical infantil de un niño o niña de entre 2 y 5 años con marcas de corte que evidencian prácticas de canibalismo por parte de sus congéneres.

Neolitoko kanibalismoaren aztarna berriak aurkitu dituzte Atapuercan

Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.

Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte

Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.

Donostiako Amara auzoan kalean bizi diren 50 pertsona migratzaileei Arantzazun ostatu emango diete

Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.

Edurne eta Zeledon Txikiren jaitsierak Andre Maria Zuriaren plaza bete du txikien egunean

Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.