10-15 egun barru ospitaleratzeek gora egingo dutela aurreikusten du Jaurlaritzak
Bingen Zupiria Eusko Jaurlaritzako bozeramaileak adierazi duenez, COVID-19ak eragindako positibo-kopuru handia dela eta, datozen 10 edo 15 egunetan ospitaleratzeak ugaritu egingo direla eta kutsatutakoen % 10ek edo % 15ek zainketa intentsiboetako unitateetan arreta beharko dutela aurreikusi dute.
Hala ere, gaur egun, euskal osasun sistemak COVID-19aren pandemiak planteatutako egoerari aurre egiteko gaitasuna duela ziurtatu du, bai lehen arretan, bai ospitaleratzeetan, baita zainketa intentsiboetako unitateetan (ZIU) ere. "Sistemak arreta hori ahalbidetzen du une honetan", ziurtatu du.
Gobernu Kontseiluaren osteko prentsaurrekoan, koronabirusaren pandemiaren bigarren olde honetan EAEko ospitaleen egoerari buruz galdetu diote Gobernuko bozeramaileari.
Zupiriak azaldu duenez, Eusko Jaurlaritzak eta Osakidetzak uste dute gaur egun euskal osasun sistemak "gaitasuna duela une honetako egoerari aurre egiteko, bai lehen mailako arretan, bai ospitaleratzeetan, baita zainketa intentsiboetako unitateetan ere".
Era berean, COVID-19a duten gaixoak artatu ahal izateko zainketa intentsiboetako unitateetan ohe gehiago jartzeko aukera zabalik dutela gogorarazi du.
Dena dela, azaldu duenez, hauxe da batzorde teknikoan eta Euskadiko Babes Zibileko Planaren (LABI) aurreko asteko bileran "nagusitzen" ari den hausnarketa, Gotzone Sagardui Osasun sailburua ere "etengabe" planteatzen ari dena: "Egunez egun ezagutzen ari garen kutsatze-kopuru handi honekin, litekeena da, logikoena da, datozen 10-15 egunetan kopurua handitzea".
% 10 edo 15 ZIUn artatu beharra
"Teknikoki kalkulatzen badugu, ospitaleratuta dauden pertsona horien % 10ek edo % 15ek zainketa intentsiboetako unitateetan artatzeko beharra izan dezakete. Sistemak, une honetan, arreta hori ahalbidetzen du, baina denok dakigu iktusa jasaten jarraituko dugula, istripuak izaten jarrai dezakegula, bihotzeko erasoak izan ditzakegula edo arreta behar dugula minbiziari aurre egiteko", ohartarazi du.
Zupiriak azpimarratu duenez, "edozein unetan edozein ezusteko gerta liteke", eta "osasun-sistemak sortzen diren aukera eta behar guztiei erantzuteko gai izan behar du".
"COVID-19a duten gaixoek zenbat eta ohe gehiago hartu ospitaleetan eta ZIUn, orduan eta mugatuagoa izango da beste behar batzuei erantzuteko gaitasuna. Hori dela eta, neurri gogorrak hartu dira, esparru guztietan aplikatu beharrekoak, eta etengabe eskatu da erakundeek prebentzio- eta arreta-lana egiten jarrai dezaten eta gizarte osoak, maila indibidualean eta komunitarioan, eskaerak eta planteatzen ari garen murrizketak bete ditzan", adierazi du.
Ildo horretan, mugikortasuna mugatzearen garrantzia azpimarratu du, "ahal denean" sei pertsonatik gorako taldeetan bilerak ez egitea, eta, batez ere, normalean "elkarbizitza eremuetakoak" ez diren pertsonekin harremanik ez izatea.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.