Gutxienez 12 positibo atzeman dituzte Basurtuko ospitaleko dialisi unitatean
Gutxienez 12 kasuko koronabirus agerraldi bat identifikatu dute Basurtuko ospitaleko dialisi unitatean. Orain arte positibo emandako guztiak Jado pabiloian dagoen unitate horretako langileak dira.
Osakidetzak ohar batean informatu duenez, hainbat positibo atzeman dituzte Basurtuko ospitalean. Sindikatuen iturriek Euskadi Irratiari zehaztu diotenez, 12 pertsonak eman dute positibo orain arte egindako PCR probetan.
Amaia Mayor SATSE sindikatuko ordezkariak esan duenez, denak dira Erizaintza sailekoak. Lau erizainak dira; zazpi, erizain-laguntzaileak, eta bestea, praktiketan dagoen ikasle bat. Momentuz, ez dago kutsaturik medikuen eta gaixoen artean, egindako lehen testen arabera.
Mayorrek azaldu duenez, asteburuan sortutako agerraldia dela uste dute, eta datorren asteburuan, gaixorik ez dagoenean, pabiloiaren garbiketa eta desinfekzio lanei ekingo diete.
Ez dituzte Basurtuko ospitaleko unitate honetako lanak eten, bertara joan behar diren gaixoek ezinbestekoa dutelako. Esan dutenez, FFP2 motako musukoak hasi dira erabiltzen, ostegunetik, ospitale osoan.
Bestalde, Osasun Sailak eta Osakidetzak garrantzia kendu diote azken egunetan Euskal Autonomia Erkidegoko hainbat ospitaletan antzeman diren agerraldiei. Sindikatuen arabera, 200 bat profesional bat egon daitezke kutsatuta.
Basurtuko agerraldiari dagokionez, Ignacio Garitano Kontrolerako Programaren koordinatzaileak azpimarratu langileak eta pazienteak babesteko "neurri guztiak" hartu dituztela jada eta zerbitzua normaltasunez ematen ari direla erietxean.
Halaber, gizartean kutsatzeak ematen diren heinean, osasun sektoreko langileak kutsatzea normala dela esan du. Alabaina, aitortu du behargin kopuru handia bakartu behar izanez gero, osasun sisteman "presioa" areagotu egingo litzatekeela.
Zure interesekoa izan daiteke
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz gorabeheratsua Bilbo inguruko errepide nagusietan
Barakaldon istripua izan da, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestaldem lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".