COVIDaren aurkako neurriak egiturazkoak direla eta luze iraungo dutela dio Erkorekak
Josu Erkoreka Eusko Jaurlaritzako Segurtasun sailburu eta lehendakariordeak esan duenez, COVID-19aren hedapena geldiarazteko neurriek "egiturazko izaera" izango dute eta "denbora luzez" iraungo dute, beraz, "ona da" herritarrak horietara ohitzea.
"Denok dugu txertoa iritsiko denaren itxaropena, baina higieneari, distantzia sozialari, maskararen erabilerari eta aireztapenari buruzko neurri horiek luzaroan iraungo dute, eta ona da horietara ohitzea, bizitza sozialari ahalik eta gehien eusteko eta osasunaren babesarekin uztartzeko", adierazi du Erkorekak Herri Irratian egindako elkarrizketa batean.
Nabarmendu duenez, "elkartasun eta arduragabekeria kasu sinestezinak gertatzen diren arren, salbuespenak dira"; izan ere, herritarrek "agintariek ezarritako jarraibide orokorrak onartu dituzte", eta gehienek "zorrotz betetzen dituzte arauak, eta horrek herritarrek gizalegez jokatzen dutela erakusten du".
Bestalde, lehendakariordea harrituta agertu da terrorismoari buruzko aipamenak alderdi politikoen arteko ekintzarako "funtsezko elementu" gisa erabiltzeagatik, ETAren jarduera armatua amaitu zenetik hamarkada bat igaro denean.
"Hori ezin da alderdien arteko harremanetarako oztopo izan. Badirudi duela hamar edo hamabost urteko egoera berean bizi garela, eta hori zorionez ez da horrela ", gaineratu du.
Sailburuak espetxeetako eskumenak Euskadiri "berehala" ematea eskatu du. Datorren urtean egitea espero du, izan ere, Estatutuan jasota dago eta ez da "arrazoi" hutsalengatik gauzatu.
2021erako aurrekontu proiektuari dagokionez, Erkorekak esan du "funtsezko tresna" dela pandemiaren ondorioei aurre egiteko, eta ahalik eta adostasun handiena lortzearen alde egin du, nahiz eta Eusko Jaurlaritzak gehiengoa izan ganberan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.