Dagoeneko 12 udalerrik ezingo dituzte tabernak eta jatetxeak ireki
Euskal Autonomia Erkidegoko hamabi udalerrik (2 Bizkaian, 5 Gipuzkoan eta 5 Araban) ezingo dituzte astearte honetan tabernak eta jatetxeak ireki, covid-19aren pandemiaren bilakaera dela eta. Ostiralean aditzera emandako udalerriei Zaldibia, Beasain eta Azpeitia gehitu zaizkie Gipuzkoan, eta Zigoitia eta Añana, Araban. Bestalde, Eibarrek, Gipuzkoan, eta Erriberabeitik, Araban, zerrendatik ateratzea lortu dute, eta bihartik aurrera tabernak eta jatetxeak ireki ahal izango dituzte.
Osasun Sailak astelehen honetan argitaratutako ebazpenaren arabera, beraz, 100.000 pertsonako 500 kasu baino gehiago dituzten 5.000 biztanletik gorako herriei debekatu diete ostalaritza irekitzea (azken 14 egunetako datuetan oinarrituta). Hain zuzen ere, Arrigorriaga eta Ermua (Bizkaian) eta Arrasate, Azpeitia, Beasain eta Ordizia (Gipuzkoan) dira aipatu tasa gainditu duten herriak.
Bestalde, Osasun Sailak Arabako lau udalerriri galarazi die tabernak irekitzea ( Aramaio, Iruña Oka, Zuia, Zigoitia eta Añanari), eta, Gipuzkoan, berriz, Zaldibiari. Kasu horietan, 5.000 biztanle baino gutxiago dituzten herriak dira guztiak, baina Gotzone Sagarduik zuzendutako Sailak uste du, egoera epidemiologikoa kontuan izanda, oraingoz, udalerri horietan ere itxita egon behar direla tabernak.
Hala eta guztiz ere, astelehenero eta ostegunero ebazpen berri bat argitaratuko dute hamabi udalerri horietan pandemiak izan duen bilakaera ezagutarazteko, eta, horrenbestez, tabernak irekitzeko debekua altxatu dieten ala ez jakinarazteko.
Zure interesekoa izan daiteke
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.