Nafarroak txertaketa kanpaina abenduaren 27an bertan hastea aurreikusten du

Nafarroak txertoaren 26.000 dosi ditu hitzemanda dagoeneko, eta horri esker, urtarrilean lehentasunezko taldeetako 13.000 pertsona inguru txertatuko dituzte.

Covid-19aren aurkako txertoa. Argazkia: EiTB

agencias | eitb media

2020/12/18 - 21:13

Azken eguneratzea

2020/12/18 - 21:13

Nafarroako Gobernuaren Osasun Departamentuak covid-19aren aurkako txertaketa kanpaina abenduaren 27an bertan hastea aurreikusten du, Espainiako Osasun Ministerioak eta erkidegoek adostu duten moduan.

Nafarroak txertoaren 26.000 dosi ditu hitzemanda dagoeneko (Pfizer laborategiarenak, oraingoz), eta lehentasunezko lehenengo bi taldeetako 13.000 pertsona txertatzea ahalbidetuko du: egoitza soziosanitarioetako egoiliarrak eta bertako langileak, 7.600 eta 5.300 pertsona gutxi gora-behera, hurrenez hurren.

Dosi hornidura handitu egingo dute pixkanaka, sektore zaurgarrienetatik hasita, beste guztietaraino, Nafarroako Gobernuak ohar batean jakinarazi duenez.

Lehenengo fase horretan erresidentzietako egoiliarren % 90, osasun langileen % 70 eta 65 urtetik gorakoen % 85 txertatzea da helburua. Datorren astean zehaztuko dute kronograma.

Foru Erkidegoak txertaketarako puntu sare zabala jarriko du, 134 osasun zentro eta bestelakoekin. Gero zentro soziosanitarioetako egoiliarrak eta langileak txertatzeko 14 talde berezi ere jarriko dituzte martxan.

Era berean, sei ospitale publiko eta pribatuek parte hartuko dute: Nafarroako Ospitalea, Tuterako Reina Sofia, Lizarrako Garcia Orcoyen, Nafarroako Unibertsitatea Klinika, San Miguel Klinika eta San Juan de Dios. Profesionalak txertatzeko zirkuitu propioak osatuko dituzte.

Eusko Jaurlaritza

Itxura guztien arabera, koronabirusaren aurkako txertaketa kanpaina abenduaren 27an hasiko da Europar Batasunean. Okerrik ezean, Europako Botiken Agentziak datorren astelehenean emango dio argi berdea Pfizerren txertoari, eta, horrela bada, txertaketa hilaren 27an hasiko da. Eusko Jaurlaritzak ez daki txertoaren zenbat dosi jasoko dituen, ezta txertaketa zein egunetan hasiko den ere.

Zehaztapen horien zain egon barik, lanean hasi dira jada Eusko Jaurlaritzako hainbat sail: Osasun Saila; Segurtasun Saila; eta Ekonomiaren Garapen, Jasangarritasun eta Ingurumen Saila. Hiru alorretako arduradunek kanpaina diseinatzeari ekin diote.

Abenduaren 27an, igandea, hasiko dira Espainian covid-19aren aurkako txertoa jartzen, Pfizer konpainiaren dosiak jaso eta biharamunean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.