Pfizerrek eta Modernak haien txertoak probatu dituzte aldaera berriaren aurka
Pfizer eta Moderna koronabirusaren aurkako txertoak probatzen ari dira, Erresuma Batuan eta beste herrialde batzuetan identifikatu den aldaera berriaren aurka funtzionatzen duten ikusteko, CNNn argitaratutako konpainien komunikatuen arabera.
"Orain arteko datuetan oinarrituta, Moderna konpainiaren txertoak eragindako immunitateak Erresuma Batuan atzeman berri diren aldaeren aurka babestea espero dugu; datozen asteetan beste proba batzuk egingo ditugu itxaropen hori baieztatzeko", jasotzen du Modernaren dokumentuak.
Bestalde, Pfizerrek hedabide estatubatuarrari jakinarazi dionez, "datuak biltzen" ari da, txertoarekin immunizatuta dauden pertsonen odol laginak "Erresuma Batuko aldaera berria neutralizatzeko gai" izan daitezkeen jakiteko.
Bien bitartean, BioNTechek, Pfizerren bazkide laguntzaileak, sei asteko epean txertoa alda dezakeela iragarri du, birusaren mutazio horretara egokitzeko. "Baina hori gogoeta tekniko hutsa da", esan du astearte honetan Ugur Sahin BioNTech enpresako buruak.
Konpainiako agintariak azaldu duenez, gai teknikoez gain, agintari arautzaileek aldaketa hori nola kalifikatuko luketen ere kontuan hartu beharra dago; nolanahi ere, ziurtatu du "oso litekeena" dela txertoak aldaera berriaren aurka ere funtzionatzea.
Txertoa aldatzekotan, garrantzitsua izango litzateke agintariek zenbateraino onartuko lituzketen oinarri gisa egungo txertoarentzat aurkeztutako segurtasun- eta eraginkortasun-datuak. Horrek, era berean, onarpen-prozesu posible baten iraupenean eragingo luke.
Bestalde, Europar Batasunean txertoaren lehen banaketak asteazken honetan has daitezkeela aurreratu du Sean Marett BioNTech enpresako zuzendari exekutiboak. Gainera, urte amaieran Europako herrialdeek 12,5 milioi dosi jaso ditzaketela azaldu du.
Gaur egun, Pfizerren lantegian daude gordeta dosiok, Puursen (Belgika). Hor prozesatzen eta betetzen dira lehengaiak.
Sierk Poeting BioNTecheko finantza zuzendariak azaldu duenez, dosiak EBko estatu kide bakoitzean egon beharko lirateke larunbatean, txertaketak igandean hasi ahal izateko. Hori da Europako Batzordeak aurreikusitakoa.
Covid-19aren aurka lan egiten duen Robert Koch Institutuko presidente Lothar Wielerrek azaldu duenez, itxura batean, beste aldaera batzuk baino ohikoagoa da azkeneko hau Erresuma Batuan. "Kutsakorragoa delako izan liteke, baina ez du zertan horrela izan. Oraindik ezin dugu argi eta garbi ebaluatu zenbaterainoko garrantzia duen aldaera berriak testuinguru honetan", zehaztu du.
Txertoari begira aldaerak duen garrantziari dagokionez, Wielerrek honako hau adierazi du: "Orain arte ezagututako datu guztiek iradokitzen dute txertoak ematen duen babesa ez dela mugatzen, aldaera hori haratago hedatzen bada ere".
Albiste gehiago gizartea
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Elkarretaratzea gaur Iruñean, sanferminetako eraso sexistak gaitzesteko
Protesta 21:00etan izango da, Gazteluko plazan. Udaltzaingoa Iruñeko etxebizitza batean izan den intentsitate handiko sexu-eraso bat ikertzen ari da. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.