Zubia: "Euskal Herrian 4.000.000 dosi behar dira talde-immunitatea lortzeko"
Covid-19ari aurre egiteko txertoa Euskal Herrira iritsi da jada, eta Eusko Jaurlaritzako Osasun Sailak Gasteizko Ajuria zahar-etxean, Elorrioko laguntza zentroan eta Hondarribiko Caser Betharram zahar-etxean hasi du covid-19aren aurkako txertaketa kanpaina. Nafarroan, berriz, Iruñeko El Vergel egoitzan ekin diote txertaketari.
Ildo horretatik, Felix Zubia Donostia Ospitaleko zainketa intentsiboetako unitateko medikuak txertaketa kanpainari buruzko argipenak eman ditu igande honetan Euskadi Irratiko Osasun Etxea saioan. Bere esanetan, Euskal Herrian 4.000.000 dosi behar dira gaitzaren aurkako talde-immunitatea lortzeko; izan ere, herritarren % 60k edo % 70ek hartu beharko lukete txertoa, guztira 2.000.000 herritar inguruk, eta gogoan izan behar da pertsona bakoitzak bi dosi hartu behar dituela, hiru asteko tartearekin.
Txertoari esker, gaur pandemiarekin amaitzeko "urrats txikia" eman dela nabarmendu du medikuak. Une honetan, egonkortze tarte batean gaude, baina datuak altuak dira oraindik; 300 kasu inguru 100.000 biztanleko eta 15 eguneko. Gaitza kontrolpean izateko gomendatutakoa baino sei aldiz handiagoa da kopuru hori, eta joan den astean 100 heriotza baino gehiago izan ziren Hego Euskal Herrian.
Zubiak azaldu duenez, Gabonetan izandako kutsatzeak bi asteren buruan izango dute isla ospitaleetan. Izan ere, kasuak 5-7 egunetara igoko lirateke, eta okertzea 15 egunetara gertatzen denez, ospitaleratzeak bi aste barru hasiko lirateke nabarmentzen. Hortaz, hemendik hiruzpalau egunetara atzemango dugu egun hauetako bileren ondorioz kasuak asko igo diren edo ez.
Donostia Ospitaleko medikuak nabarmendu duenez, txerto guztiek dute helburu bera; defentsak sortzea. Arriskutsua ez den gaitzaren zatitxo bat erabiltzen da horretarako. Ondorioz, birusa hiltzeko gai izango liratekeen antigorputzak eta zelulak sortzen ditu gorputzak. Horrela, noizbait kutsatuko bagina defentsak sortuta egongo lirateke, eta gorputzak ez luke birusa garatzen utziko edo ez luke gorputzean sartzen utziko, hori oraindik argitu gabe dago.
Testuinguru horretan, egoiliarrak zaurgarriagoak direlako eta gaitzak haiei gogorrago erasaten dielako erabaki da txertaketa kanpaina zahar-etxeetan hastea. Izan ere, birusa zahar-etxeetan sartzen denean oso zaila izaten da egoera kontrolatzea, gaitza oso azkar zabaltzen delako. Gainera, pertsona hauen hilkortasun-tasa oso altua da.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.