Eusko Jaurlaritzak azpimarratu du behar zen bezala hasi zela txertaketa kanpaina
Gotzone Sagardui Eusko Jaurlaritzaren Osasun sailburuak azpimarratu du atzoko egun "historikoa", covid-19aren aurkako txertaketa hasi zenekoa, ongi joan zela osasun arloko "profesional bikainei" esker.
Eusko Jaurlaritzaren Gasteizko egoitzan emandako prentsaurreko batean, eta Iñaki Berraondo sailburuordea aldamenean zuela, Sagarduik jakinarazi du 100 bat profesional izan direla txertoa emateko trebakuntza berezia jaso dutenak.
Horren harira, azpimarratu du atzo "esperotako" 405 dosiak eman zituztela, eta bihar iritsiko direla gaur jaso behar zituzten 16.000 dosiak.
Osasun sailburuak azaldu du txertaketaren ordena hau izango dela: zaharren egoitzak (18.000 bat erabiltzaile eta 15.000 langile); ondoren, "lehen lerroko" osasun langileak, eta, gero, gainerako osasun langileak (guztira 40.000 inguru).
Gogorarazi du txertoa era mailakatuan iritsiko dela, eta "hemen eta mundu osoan" mugatuta dagoela hornidura. Gainera, txertoaren bi dosi eman behar direnez, lehenengoa jaso duenak bigarrena ere jasotzea bermatu beharra dagoela azaldu du.
Ohartarazi du prozesu luzea izango dela, eta bihar 16.000 dosi jasoko dituzten arren, asteazkenera arte ezingo dituztela eman, izoztuta iritsiko baitira.
Sailburuordeak kargua utzi du
Bestalde, Sagarduik iragarri du Iñaki Berraondo Eusko Jaurlaritzaren Osasun sailburuordeak 65 urte bete eta kargua utzi duela, pandemiaren erdian eta Ignacio Garitanok gauza bera egin eta egun gutxira.
Sailburuordeak azpimarratu du ez duela dimititu, 65 urte bete eta "unea" iritsi zaiolako utzi duela.
"Bigarren lerrora joateko unea iritsi zait, beste pertsona batzuei bidea emateko. Nire konpromisoaren eta esker onaren zalantzarik ez dago. Banoan arren, ez noa, eskatzen didaten guztian Osasun Sailari babes osoa emateko asmoa baitut", adierazi du.
Aldaera berria
Erresuma Batuan aurkitutako aldaera berriari dagokionez, Sagarduik esan du gaur egun ez dela kasurik atzeman EAEn, baina ohartarazi du "litekeena" dela aurki iristea.
"Seguru mutazio asko izan direla orain arte. Mutazio honek oso kutsakorra izateagatik eman du arreta Erresuma Batuan", berretsi du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.