Oiartzungo eguneko zentro batek uko egin dio erabiltzaileak txertatzeari
Gipuzkoako Foru Aldundiak ziurtatu duenez, Oiartzungo Aiton-Etxe eguneko zentroko erabiltzaileek txertoa jasotzeko duten eskubidea bermatuko du eta Osakidetzak zehazten duen txertaketa-protokoloa aktibatuko du lurraldeko baliabide guztietan.
Aiton-Etxeko zuzendariak erabiltzaileen familiei Pfizer-BioNtech txertoa ez dela zentro horretan jarriko dioen zirkularra bidali die, "esperimentazio fasean dagoen produktua" dela iritzita. Zentro horretako 42 plazetatik gehienak Diputazioarekin hitzartutakoak dira eta horren aurrean, "erantzukizunez" jokatzeko deia egin du Foru Aldundiak.
Gipuzkoako Foru Aldundiak ohar baten bidez jakinarazi duenez, eguneko zentroarekin harremanetan jarriko da "idatziaren arrazoiak ezagutzeko" eta, hala badagokio, "beharrezko neurriak" hartzeko.
Era berean, astelehenean, deialdi bat bidaliko die Aldundiak eguneko zentro horretako erabiltzaileen familia guztiei, bilera batera joan daitezen. Bilera horretan, Osakidetzako epidemiologia-arloko arduradunek lehen eskutik emango diete covid-19aren aurkako txertaketaren berri.
Aldundiak gogorarazi duenez, txertoa jasotzea eskubide eta erabaki pertsonala da, eta, beraz, nahi duten erabiltzaile guztiek jasoko dute txertoa.
Txertaketari uko egiten dion zentro hori pribatua dela nabarmendu du EH Bilduk eta horiek publiko bihurtzeko eskatu du
Aiton-Etxe eguneko zentroak covid-19 txertoaren aurka duen jarrera "EAJk eta PSEk zaintzaren alorrean bultzatutako pribatizazioarekin" lotu du Juan Karlos Izagirre EH Bilduren Gipuzkoako Batzar Nagusietako bozeramaileak .
Koalizio abertzalearen ordezkaria "harrituta" agertu da zentroko zuzendariaren jarrerarekin. Izagirrek nabarmendu duenez, zentroa pribatua da, eta zuzendariak emandako argudioak "komunitate zientifikoak eta medikuak emandakoen kontrakoak dira".
Izagirrek, lanbidez medikua denak, esan du bere koalizioak Gipuzkoarentzat nahi duen "osasun eta zaintza sistema publikoan" ezin dela horrelako jarrerarik onartu. "Argi dago sistema publiko sendo bat dela horiek saihesteko bermerik egokiena" esan du, eta horregatik, "pribatizazioaren bideari uko egiteko eta zaintza sistema publiko baten alde lan egiten hasteko" eskatzen die bi alderdi horiei.
Izagirrek azpimarratu duenez, herritar guztiek dute txertoa jasotzeko eskubidea, eta "eguneko zentroetako azken arduradunari dagokio hori bermatzea, kasu honetan, Foru Aldundiari. Horregatik, eskuhartu eta neurriak hartu behar ditu".
Zure interesekoa izan daiteke
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.