Kutsatzeen datuak mantentzen badira, hilaren 11ra arte ez da neurri berririk ezarriko
Bingen Zupiria Eusko Jaurlaritzako bozeramaile eta Kultura eta Hizkuntza Politikako sailburuak adierazi duenez, covid-19ak eragindako kutsatzeen datuak azken egunetan bezala mantentzen badira, urtarrilaren 11ra arte ez da mugikortasuna murrizteko neurri berririk ezarriko.
Zupiriak nabarmendu duenez, gaitzaren bilakaeraren arabera hartuko dituzte erabakiak. "Azken asteotan bezala jarraituko balu, egunez egun ditugun datuekin, LABIren hurrengo bilera urtarrilaren 11n izatea izango litzateke logikoena, eta orduan iragarriko lirateke datozen hilabeteetan ezarri eta bete beharreko neurriak", adierazi du SER irrati katean.
Ildo horretatik, lehendakariaren asmoa datuak egunero aztertzen jarraitzea dela esan du, "hainbat egunetako datuen bilakaerarekin, kutsatzeak behera egiten duen edo egonkortzen ari den adierazten duenak, edo egun gutxiren buruan kontrakoa gerta litekeen, dena oso azkar aldatzen delako".
"Orain arte gaitza hainbeste jasan ez duten herrialdeetan aurreiusi ez den bilakaera dagoela ikusten ari gara. Hori dela eta, kutsatzeen, ospitaleratzeen eta heriotzen tasa altuak ematen ari dira. Hemen zein gure inguruan gertatzen denaren arabera hartuko dira erabakiak", esan du.
Horrenbestez, orain, etorkizunari "beste modu batera" heldu behar diogula nabarmendu du Zupiriak, baina "aste eta hilabete askotan kontu handia izaten jarraitu beharko dugu gure jokabideetan".
Bere ustez, 2021erako "lehentasuna" gaixotasunari aurre egitea da. "Txertoek itxaropen leiho bat ireki digute; dosiak iritsiko dira eta nolabaiteko immunitatea sortuko dute, baina espero dut guztiok arduratsuak izaten jarraitzea eta errespetatu beharreko neurri guztiak betetzea", gaineratu du.
Halaber, hasieran "ezezaguna" zen gaixotasun honi aurre egin behar izan dioten osasun langileengan "konfiantza osoa" duela ziurtatu du Eusko Jaurlaritzako bozeramaileak.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.