Opil Solidarioaren errazioak eten digitalari aurre egiteko Donostian
Gipuzkoako Caritasek milaka Errege-opil errazio banatuko ditu bihar (asteartez) Donostian egingo den Opil Solidarioaren bigarren edizioan. Ekitaldia material informatikoa erosteko dirua biltzeko egingo da, neurri batean, familia ahuleko ikasle batzuek pairatzen duten eten digitalari aurre egiteko.
Donostiako Gipuzkoa plazan egongo dira salgai 10:00etatik 14:00etara. Boluntarioek banatuko dituzten poltsak irabiaki bat, katiluan prestatzeko txokolate zorro bat, opil zati bat eta hainbat sorpresa izango dituzte. Parte-hartzaileek ezin izango dituzte poltsak tokian bertan kontsumitu, covid-19aren aurkako segurtasun-neurriak direla eta.
Opil Solidarioak gizartea inplikatu nahi du haur eta gazteen bazterketaren eta pobreziaren aurkako borrokan, baita bazterketa eta pobrezia eragiten duten arrazoien inguruan sentsibilizatu eta adingabeen bizi-baldintzak hobetzeko garatzen dituen proiektuei laguntzeko dirua bildu ere.
Ekitaldia Gipuzkoako Caritasek antolatu du, Donostiako Gaztelubide, Zubigain eta Union Artesana elkarteekin eta Eroski enpresarekin elkarlanean. Rafa Gorrotxategi gozogileak egingo du ehun bat opil solidario; eta txokolatea, KITZIN bidezko Merkataritza dendakoa izango da.
Sustatzaileen arabera, proiektua egungo pandemia-egoeran burua altxatzeko modu bat da, birus hilgarri horren hedapena geldiarazteko besteak zaintzea eskatzen digulako; eta, aldi berean, oso errotuta dagoen tradizio batean murgiltzen gaituelako eta errealitate ahulenetatik gertu egoteko eta laguntzen jarraitzeko aletxo bat jartzeko aukera ematen duelako.
Conchi Elespe Gipuzkoako Caritaseko administratzaileak azaldu duenez, zati bakoitza behartsuenekiko hurbiltasun keinu bat eta solidaritatezko hondar ale txiki bat izango da. Ekimenaren helburua 2.000 euro biltzea da. Baina Elespek azaldu duenez, baliteke hori baino gehiago biltzea. Izan ere, zatien ordainketa dohaintzatzat hartzen da eta pertsona batzuek diru gehiago ematen dute.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.