Kote Cabezudo argazkilariaren aurkako hirugarren epaiketa egingo dute datorren astean
Kote Cabezudo argazkilaria auzipetuta dago berarekin modelo gisa lan egiten zuten hogei bat emakumeri sexu-delituak eta iruzurra egiteagatik. Ikerketa 2013an abiatu zuten, baina auzi horren baitan beste hainbat kasu ere ireki zituzten bere kontra.
Auzi horien harira, dagoeneko bi epaiketa izan ditu. Lehendabizi, bi urte eta hiru hilabeteko espetxealdia ezarri zioten lekuko bati mehatxu egiteagatik –deklaratuz gero, biluzik agertzen zen argazki bat sare sozialetan zabalduko zuela esan zion-. Eta ondoren, bost hilabeteko beste zigor bat ezarri zioten, Justiziari agiri faltsuak emateagatik –modelo bat adin txikikoa zela ezkutatzen saiatu zen-. Azken epai horren aurka errekurtsoa jarri zuen.
Datorren ostegunean, berriz, hirugarren epaiketa izango du, gazte baten "argazki erotiko bat" sare sozialetan zabaldu izana egotzita. Fiskaltzak zortzi hilabeteko kartzela-zigorra eskatuko du Cabezudorentzat.
Akusazio partikularrak ere espetxealdi bera galdegingo du, baina, era berean, biktimari 3.000 euroko kalte-ordaina ordain diezaiola eskatuko du, argazkia egin zioenean adin txikikoa zela kontuan hartuta.
Bestalde, otsailean eta apirilean beste bi epaiketa izango ditu: alde batetik, frogak ezkutatzen saiatzeagatik –hainbat argazki ordenagailutik ezabatzen saiatu zela leporatzen diote-, eta bestetik, biktimak agertzen diren bideoak edo argazkiak sare sozialetatik kentzeko epaileak emandako agindua ez betetzeagatik.
Auzi nagusiaren ahozko epaiketa hasteko data, berriz, ez dago zehaztuta.
Zure interesekoa izan daiteke
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.