Lau pertsona atxilotu dituzte Donostiako Alde Zaharrean izan diren istiluetan
Lau pertsona atxilotu dituzte bart Donostiako Alde Zaharrean hainbat gazteren eta Ertzaintzaren artean izan diren istiluetan. Ertzaintzak gazteen aurka kargatu du eta istiluetan zortzi ertzain arin zauritu dira. Gainera, istiluetan parte hartzen ari ez zen oinezko batek kolpea hartu masailezurrean eta ospitaleratu egin dute.
Eusko Jaurlaritzako Segurtasun Sailak jakinarazi duenez, liskarrak 20:15 inguruan hasi ziren Konstituzio plazan, hainbat gazteren eta udaltzainen artean, Eneko Goia alkateak bandera jaitsita San Sebastian egunari amaiera ematea aurreikusita zegoen ordua baino minutu batzuk lehenago.
Antza denez, San Sebastian egunaren harira jende pilaketak izan ziren Donostiako Alde Zaharrean eta udaltzainak Trinitate plazan pertsona bat atxilotu nahian ari zirela, pertsona talde batek aurre egin zien. Hori dela eta, udaltzainek laguntza eskatu zien ertzainei.
Une horretatik aurrera, istiluak izan ziren gazteen eta ertzainen artean. Segurtasun Sailaren arabera, gazteek botilak, estolda tapak eta harriak jaurti zituzten ertzainen aurka.
Istiluen ondorioz, zortzi ertzain arin zauritu ziren. Zortzi ertzainetako zazpi lekuan bertan artatu zituzten eta zortzigarren bat ospitalera eraman zuten zauriak sendatzera.
Aurrez aurrekoek 23:00ak arte iraun zuten. Tarte horretan, edukiotzinak eta paperontziak erre zituzten eta taberna batzuetan kalteak eragin zituzten.
Segurtasun Sailak gaur goizean eguneratutako balantzearen arabera, guztira lau pertsona atxilotu zituzten: 18 urtekoak bi, 21 urteko bat eta 31 urteko beste bat. Istiluetan ustez parte hartzeagatik atxilotutako lau gazteak gaur goizean eraman dituzte epailearen aurrera.
Ertzaintzak ikerketa bat zabaldu du ustez istiluetan parte hartu duten pertsona gehiago identifikatzen saiatzeko.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.