Microsoft Al for Earthek EAEko beste bi proiektu saritu ditu
Microsoft Al for Earthek ingurumena hobetzeko Euskal Autonomia Erkidegoko bi proiektu saritu ditu: Green Cyber Rating izenekoa, enpresen zibersegurtasuneko eraginkortasunik ezak eta horiek ingurumenean duten eragin teoriko eta errealari buruzko erlazioa neurtzea helburu duena, eta Predicoa izenekoa, gariaren laborantzan beharrezkoa den ongarri nitrogenatuaren dosia doitzeko eredu prediktiboa garatuko duena, lursailari etekin handiena atera ahal izateko ingurumenari kalte egin gabe.
Microsoften Al for Earth programak proiektuak bultzatuko ditu mundu osoan eta 50 milioi euroko aurrekontua izango du. Konpainiaren arabera, programa honen barruan jasotako ekimenen helburua "gizarteak dituen erronkei aurre egiteko irtenbideak aurkitzea da, ingurumena hobetzeko, klima-aldaketari aurre egiteko eta, azken finean, planeta zaintzeko".
Eusko Jaurlaritzarekin lankidetzan, Microsoftek topaketa bat antolatu zuen diziplina anitzeko profesional eta lantalde batzuekin, eta horiek adimen artifiziala aplikatuz ingurumena hobetzeko proposamenak eta ideiak aurkeztu zituzten. Jardunaldi horietan aurkeztutako bi proiektu dagoeneko garatzen ari dira aipatutako programari esker.
Konpainiak eta Eusko Jaurlaritzak iragarri dutenez, beste bi proiektu batu dira ekimenera, eta finantziazio-beka bat jasoko dute: prestakuntza, aholkularitza teknikoa, Microsofteko adituen laguntza eta Microsoft Azuren cloud plataforma erabiltzeko 15.000 dolar izango dituzte.
Horrela, Green Cyber Rating eta Predicoa gehitu ondoren, EAEko lau proiektu dira teknologiaren eta adimen artifizialak profesionalen eskura jartzen dituen tresnen bidez ingurumena hobetzeko mundu mailako ekimen honekin bat egin dutenak.
Green Cyber Rating
Green Cyber Ratingek ingurumenaren arloko zibersegurtasuna du ardatz; neurtzeko metodo berri bat garatu nahi du modu estandar eta unibertsalean, zibersegurtasunari aplikatutako adimen artifizialeko teknikekin lan eginez. Proiektuak 18 hilabeteko iraupena du gutxi gorabehera, eta tresna bat eskaini nahi die gobernuei eta administrazioei beren zibersegurtasun-politikek eragindako ingurumen-inpaktuaren aztarna ikuskatzeko, inbentariatzeko eta kontrolatzeko, eta aukera ematen die dauden gabezien ondorioz egon daitezkeen inpaktuak mugatzeko, aurre egiteko, hobetzeko, optimizatzeko eta kontrolatzeko.
Predicoa
Predicoak, berriz, nekazaritzaren sektorean jarri du fokua. Adimen artifizialean oinarritutako eredu prediktibo bat garatu nahi du, gari-hazkuntzak lursailean duen errendimendua etapa goiztiar batean balioesteko, ongarri nitrogenatuaren dosia laborearen beharretara egokitzeko. Ongarria modu egokian doitzeak lursail bakoitzean laborearen errendimendurik handiena lortzea ekarriko du, ingurumenari kalterik eragin gabe.
Proiektu honek fase pilotu bat izango du Euskadin, udara arte iraungo du, eta iturri ezberdinak erabiliko ditu datu osagarriak biltzeko, eta Microsoft Azureren hodeiaren ahalmen guztia aprobetxatuko du iragarpenak egiteko eredu sendo bat garatzeko.
Zure interesekoa izan daiteke
Chivitek erabat gaitzetsi du Arguedasen izandako ustezko hilketa matxista
Foruzaingoa udalerri horretan emakume baten heriotza ikertzen ari da, ustezko krimen matxista gisa, eta haren bikotekidea atxilotu dute, ustezko hilketa gisa.
Global Summud Flotillan atxilotutako 100 lagunetatik lau euskal herritarrak dira eta gose-greba hasi dute
Gazara zihoan beste flotilla bateko itsasontziak atzeman ditu Israelgo Armadak gaur goizean. Euskal Herrian zein Europako hainbat tokitan protestak antolatu dituzte "Flotilla ez da ukitzen" lelopean.
'Bi ilunabarreko eguna', abuztuko eguzki eklipseari buruzko erakusketa, ireki dute Bergaran
Egun seinalatua iristen denean herritarrek "ekitaldia ulertu eta gozatu" ahal izateko, eklipsea modu didaktiko, irisgarri eta erakargarrian azaltzen du.
Gizon batek 44 urteko emaztea hil du Arguedasen
Asteburuan izan dira gertakariak. Guardia Zibilak gizona atxilotu du, genero indarkeriarekin lotutako homizidio delitua leporatuta.
Bi gizon atxilotu dituzte Gasteizen, bikotekideei erasotzeagatik, horietako bat 14 urtekoa
Bi gertakariak larunbatean izan ziren, eta 19 eta 25 urteko bi atxilotuei tratu txarrak eta lesio-delituak leporatu dizkiete, hurrenez hurren.
Eusko Jaurlaritzak ziurtatu du ez dagoela "ebidentzeriarik" Petronorrek osasun publikoari kalte egiten diola esateko
Osasun Publikoko zuzendariaren arabera, "datu asko" dituzte eskuartean, eta horietako bakar batek ere ez du erakusten Petronorrek Muskizen duen plantak inguruko bizilagunen osasunari kalte egiten dionik.
Nelson Davidek 73 urteko gizona itota hil zuela ondorioztatzeko zantzuak daudela esan dute auzitegiko medikuek
Biharko saioan, aldeek euren txostenak eta ondorioak aurkeztuko dituzte. Aurreikuspenen arabera, asteazkenean amaituko da epaiketa, herri-epaimahaiaren ebazpenarekin.
Lukas Agirreren hilketan erabili zuten labana "oso arriskutsua" zela nabarmendu du polizia zientifikoak
Ertzaintzako polizia zientifikoaren agenteek krimena gertatu zen lekua ikuskatu zuten, eta haien deklarazioa izan du ardatz epaiketaren zazpigarren saioak.
Laura jaitsi da "Ambition" ontzian gastroenterisak jota bakartutakoen kopurua
Kanpo-osasun departamentuko langileek kaltetutako ontzia aztertu dute goizean, eta, hasiera batean 18 baziren ere gastroenteritis arruntak jota zeudenak, ikuskapenaren ondoren murriztu egin da kopurua, eta lau daude orain bakartuta. Ontzia arratsaldean atzera itsasoratzea esepero da, bidaian jarraitzeko, Frantziarantz.
Pazienteen hizkuntzan egiten ez jakiteak arriskuan jartzen du diagnostiko zehatza, Pompeu Fabraren ikerketa baten arabera
Lanak ohartarazi duenez, egoerak ez die etorri berriei soilik eragiten, "munduko hainbat herrialdetan hizkuntza gutxituetan hitz egiten duten lurraldeetako herriatarrei ere". Gainera, ikusi dutenez, kasu gehienetan adinekoek eta haurrek arrisku handiagoa dute osasun-arretako hizkuntza-desoreka horren ondorioak pairatzeko.