Bonu gehiago aterako ditu Bilbok krisiak gehien kaltetutako sektoreei laguntzeko
Covid-19aren pandemiak Bizkaiko hiriburuan utzi dituen ondorioei aurre egin nahian, hainbat neurri jasotzen dituen plan bat onartu du Bilboko Udalak. Iaz asmo berarekin bultzatutako egitasmoaren jarraipena izango da Bilbo Aurrera 2021 plana.
15,1 milioi euroko aurrekontua izango du guztira, eta 43 neurri jasoko ditu; besteak beste, ostalaritzari, merkataritzari, turismoari eta kulturari laguntzeko bonuak.
Udal-gobernuaren (EAJ eta PSE) eta oposizioaren (Eh Bildu, Elkarrekin Podemos-IU eta PP) artean adostu dute plana, eta ostiral honetan bertan aurkeztu dute Juan Mari Aburto alkateak eta alderdi guztietako ordezkariek, udaletxean bertan.
Ildo nagusiak
Aburtok azaldu duenez, beharrezkoa zen hirian gisa horretako egitasmo bat aurrera eramatea. "Nahiz eta txertoaren iritsierak itxaropen apur bat eman digun, pandemiaren bilakaerak erakutsi digu normaltasunera itzultzea zaila dela oraindik. Ez dakigu zer gertatuko den, eta sektore askok (ostalaritzak, turismoak, merkataritzak, aisialdiko jarduerek eta kulturak) ondorio latzak jasan dituzte", adierazi du agerraldian.
Alkatearen esanetan, iaz hartutako neurriak indartu nahi izan dituzte. "Udalak ahalegin osoa egingo du bizi dugun krisi honetatik lehenbailehen irteteko, Bilborentzat estrategikoak diren proiektuak alde batera utzi gabe", nabarmendu du.
Jone Goirizelaiak (EH Bildu) erantsi du aurrera egiten jarraitzeko Bilbok behar duen "hauspoa" dela onartu berri duten plan hori. Ana Viñalsek (Elkarrekin Podemos-IU), bestalde, azpimarratu du edozein laguntza dela beharrezkoa gaur egun, eta Raquel Gonzalezek (PP) argi utzi du 2020an onartutako planak emaitza onak izan zituela, eta garrantzitsua dela bide horri eustea.
Zure interesekoa izan daiteke
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.