Gauerditik udalerri mugakideetara joan daiteke, EAEn
Gauerdiaz geroztik neurri murriztaileak zerbait arindu dira Euskal Autonomia Erkidegoan (EAE). Mugakide diren udalerrietara joan ahalko da jarduera sozioekonomikoetarako edo aire librean kirola egiteko.
Udalerri mugakideetara joateko arrazoiak hauek izan daitezke: "lehiaketa profesionalean edo erdi profesionalean dauden taldeen arteko kirol entrenamenduak eta lehiaketak; eta 500etik beherako intzidentzia tasa duten udalerrien arteko mugikortasuna kirol federatuko entrenamenduak, eskola kiroleko entrenamenduak, baita gimnasioetan, klubetan edo kiroldegietan programatutako aktibitateak ere". Hau da, edozein udalerritara joan ahalko da, betiere bien intzidentzia tasa 500etik beherakoa bada, kirol federatua eta eskola kirola egiteko eta gimnasioetan programatutako jarduerak egiteko.
Gainerakoan, EAEn indarrean zeuden murrizketak bere horretan mantentzea erabaki zuen ostiralean LABIk. Neurriak hurrengo 15 egunetan egongo dira indarrean.
Auzitegien kolpe handiaren ostean, neurri murriztaile gehigarririk ez ostalaritzan
EAEko Auzitegi Nagusiak kolpe handia eman zion Eusko Jaurlaritzari, eremu gorrian dauden tabernak eta jatetxeak itxita mantentzeko agindua baliorik gabe utzita, behin-behinean bada ere. Horren ostean, ostalaritzari eragiten dien neurri berriak ez hartzea erabaki zuen LABIren Aholku Batzordeak.
Beraz, tabernen eta jatetxeen barruko edukierak % 50ekoa izaten jarraituko du, eta, orain arte bezala, ezingo da zutik edo barran kontsumitu.
Era berean, LABI EAEko Auzitegi Nagusiaren "argudioekin harrituta dago eta ez dago ados", Urkulluren esanetan, baina ez dutela erabakiaren kontrako helegiterik aurkeztuko iragarri zuen.
Bi aste barru berrikusiko dituzte neurriak
15 egun barru, pandemiaren bilakaera eta neurrion eraginkortasuna aztertuko ditu berriz LABIk, eta neurriak momentuko egoerara egokituko ditu.
Lehen helburua 100.000 biztanleko intzidentzia tasa 60 eta 300 kasuren artean kokatzea da. Lehendakariaren arabera, hurrengo helburua 60tik behera kokatzea izango da.
Zure interesekoa izan daiteke
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren laguntza-oihuak entzun dituzte eta lagundu dute. Emakumea sexu-erasoen protokoloari jarraituz artatu dute, eta atxilotua, 38 urtekoa, epailearen esku uzteko zain dago.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.