30era jaitsi da neurriak gogortu beharko dituzten udalerrien zerrenda
Zerrenda txikitu egin da, eta 30 herri dira Euskal Autonomia Erkidegoan eskola-kirolik gabe jarraituko dutenak. Udalerri horietan joko eta apustu-lokalak ere itxita egongo dira bihartik aurrera, gune gorrian dauden herrien zerrenda berriaren arabera. Zerrenda horretan asteak eman ostean, Gasteiz eta Donostia eremu gorritik irten dira.
EAEko Justizia Auzitegi Nagusiak "eremu gorrian" dauden udalerrietan taberna eta jatetxeei ateak irekitzeko baimena eman arren, gainerako neurriek, hala nola joko eta apustuetarako establezimenduei eta lokalei eta kirolari dagozkienak, bere horretan jarraituko dute, eta orain arte bezala, azken 14 egunetan 100.000 biztanleko kasu positiboen 500eko intzidentzia-tasa metatua gainditu duten udalerriak sartuko dira kontuan.
Osasun Sailak astelehen honetan neurri gogorrenen eraginpean dauden udalerrien zerrenda berria kaleratu du. Ostegunean 56 zeuden bertan, eta gaur, berriz, 30. Horietatik 21 5.000 biztanletik gorako udalerriak dira, ostegunean baino 14 gutxiago, eta 5.000 biztanle baino gutxiagoko herriak, berriz, 9, azken ebazpenean baino 12 gutxiago.
Hauek dira gune gorrian dauden 5.000 biztanletik gorako udalerriak:
Araban ez dago udalerririk zerrendan, Gasteiz eta Agurain eremu gorritik atera baitira.
Bizkaian 13 dira: Abadiño, Balmaseda, Basauri, Berango, Bermeo, Bilbao, Derio, Getxo, Gorliz, Güeñes, Leioa, Santurtzi eta Sopela.
Gipuzkoan 8 dira: Astigarraga, Bergara, Elgoibar, Irun, Lasarte-Oria, Legazpi, Lezo eta Oñati.
Bestalde, neurriak aplikatzeko beharra duen egoera epidemiologikoa duten 5.000 biztanletik beherako udalerrien zerrendan, ondorengo udalerriak daude: Alonsotegi, Aramaio, Lezama, Loiu, Mendaro, Plentzia, Sondika, Urduliz eta Zamudio.
Eusko Jaurlaritzak astelehenetan eta ostegunetan argitaratzen ditu osasun egoerarik larriena duten udalerrien zerrenda. Arestian esan bezala, hiri eta herri horietan taldean eta eskoletan kirola egitea galarazita egongo da eta apustu-etxeak itxita izango dira.
Urtarrilaren 25az geroztik, udalerri guztiak perimetralki itxita daude eta funtsezko eginkizunetarako soilik baimentzen dira joan-etorriak, hala nola ikasteko, lanerako edo pertsonak zaintzeko. Dena dela, gauerditik aukera dago udalerri mugakideetara joateko, jarduera sozioekonomikoetarako edo aire librean kirola egiteko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.