SOS Arrazakeriak eraso arrazista "bortitza" salatu du Bilboko Errekalde auzoan
Bizkaiko SOS Arrazakeriak gazte zuri batzuek gizon beltz bati egindako eraso "bortitza" salatu du ostegun honetan, Bilboko Errekalde auzoan. Gizona ospitalera eraman behar izan zuten.
SOS Arrazakeriak ohar baten bidez azaldu duenez, erasoa larunbatean izan zen, 20:30ak aldera, auzo horretan. Biktima Sollube kaleko etxebizitza bateko lagun bat bisitatzetik irteten ari zen (52 urteko gizon beltz kolonbiar bat zen), eta txakurrarekin zihoan mutil gazte batek errieta egin zion.
Gazteak han bizi zen galdetu zion biktimari, eta ezetz erantzun zion, lagun baten etxetik zetorrela. Jarraian, gazteak zer egiten zuen han galdetu zion, eta biktimak, "ez ziola zertan bere bizitza kontatu behar" erantzun ondoren, bere autora joan zen, gaztea atzetik zuela, eta etengabe galdetzen zion zer egiten zuen han.
SOS Arrazakeriaren arabera, gazteak zokoratu eta lepotik heldu zion. Biktima ihes egiten saiatu zen, eta erasotzailea "lapurra!" oihukatzen hasi zen. Une horretan, gaztearen lagunak agertu ziren, sei bat mutil eta neska bat, eta biktima inguratu eta jipoitzen hasi ziren.
Handik gutxira, udaltzainen patruila bat agertu zen "kasualitatez", eta anbulantzia bati deitu zion. Anbulantziak Basurtuko ospitalera eraman zuen gizona. Lesioen partean, biktimak honako hauek zituen ospitalera iritsi zenean: "traumatismo kraneoentzefalikoa, traumatismo torazikoa, aurpegiko zauriak, kontusioa eta zauria belaunean, kolpeak eta haustura hortz batean".
Gertatutakoaren aurrean, eraso "arrazista" izan dela esan du SOS Arrazakeriak, eta "horrelako jokabideak onartezinak" direla gaineratu du. Erakunde horrek erasoa gaitzetsi du eta ikertzeko eta erasotzaileak zigorrik gabe ez geratzeko eskatu du.
Zure interesekoa izan daiteke
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Fiskalak ziurtatu du "hiltzeko asmoarekin" eman zizkiotela labankadak Lukas Agirreri
22 urteko kartzela zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat, eta esan du biktimak ez zeukala defentsa zauririk eskuetan.
Maialenen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.