20 urteko kartzela zigorra ezarri diote Pasaian bikotekide ohia hil zuen gizonari
Aldeak akordio batera iritsi dira ostegun honetan Gipuzkoako Auzitegian egin den epaiketaren atariko auzi saioan.
Gipuzkoako Auzitegia, Donostian. Artxiboko argazkia: Europa Press
20 urteko kartzela zigorra ezarri dio Gipuzkoako Auzitegiak 2024ko azaroaren 30ean Pasaian bikotekide ohia hil zuen gizonari, kasuaren iturriek EFE albiste agentziari jakinarazi diotenez. Aldeek akordioa lortu ondoren, guztiek ontzat eman dute zigorra goizean egin den epaiketaren atariko auzi saioan, baita akusatuak ere.
Akusatuak hilketa onartu ondoren, Fiskaltzak, bi akusazio partikularrek (hildakoaren bi alabak eta haren pisukide bat) eta herri akusazioak (Clara Campoamor elkartea) hasierako zigor eskaerak murriztu dituzte. Esaterako, Fiskaltzak 34 urteko kartzela zigorra eskatu zuen behin-behineko akusazio idazkian.
Horrenbestez, akusatuak ontzat eman du 20 urteko zigorra eta bertan behera gelditu da datorren astetik aurrera zinpeko epaimahaiarekin egitekoa zen epaiketa.
Guztira, 17 urteko zigorra ezarri diote hilketa delitu batengatik, urtebetekoa baldintzarik gabeko bi mehatxu deliturengatik, urtebetekoa baldintzapeko mehatxu delitu batengatik, eta beste urtebetekoa armak legez kanpo edukitzeagatik. Hilketa aitortu izana aringarri gisa aplikatu diote.
Zure interesekoa izan daiteke
61 urteko gizon bat tximino baztangarekin hil da Donostia ospitalean
EAEko Auzitegi Nagusiak arrazoia eman dio EHUri eta unibertsitatera sartzeko probetan euskara kontuan hartzeko agindu du
Etxegabetze bat eta horren protagonista etxebizitzaren aldeko borrokaren sinbolo bihurtu dira
Melgosak akordioak eskatu ditu Maricarmeni gertatutakoa "berriro ez gertatzeko"
Istiluak Baionako lizeoetan
Auto baten eta kamioi baten arteko istripu batek auto-ilarak sortu ditu AP-8an, Galdakaon
"Bizimodu normala izatea posible da, buruko gaixotasuna garaiz diagnostikatuz gero"
"Vaya Semanita"ren denboraldi berria martxan da
