Azagran izandako eraso matxista salatu dute ehunka pertsonak
Nafarroako erakundeen ordezkariek eta Azagrako herritarrek atzoko eraso matxista gaitzetsi dute elkarretaratze isil batean. Bikotekideak 54 urteko emakume bati eraso egin zion larunbatean. Ondoren, Foruzaingoak erasotzailea atxilotu zuen.
Azagrako Udalak deitu du elkarretaratzea. Javier Remirez Nafarroako Gobernuko presidenteordeak, Jose Luis Arasti Espainiako Gobernuak Nafarroan duen ordezkariak, Unai Hualde Nafarroako Parlamentuko presidenteak eta Eva Isturiz Berdintasun Institutuko zuzendariak protestan parte hartu dute.
Era berean, Nafarroako parlamentariak, Ruben Medrano Azagrako alkatea eta zinegotziak, eta Guardia Zibileko eta Foruzaingoko ordezkariak bertan izan dira.
Quel herriko kontsultategian lan egiten duen erizain errioxar bat da biktima, baina Arnedoko osasun zentroan ere guardiak egiten ditu.
Erizaina helikopteroan Nafarroako Ospitale Gunera eraman behar izan zuten, izan ere, bikotekideak "oso gogor" astindu zuen. Erasotzaileak emakumea hil zuela uste, eta Foruzaingoaren komisarian azaldu zen.
Javier Remirez presidenteordeak azpimarratu duenez, "Azagrako bizilagunak atzo jasandako erasoa irmo gaitzesten du Nafarroako Gobernuak, eta familia osoari elkartasuna eta babesa adierazi nahi dizkio".
"Gobernu gisa, ezin ditugu eraso matxistak onartu; ondorioz, gure lehentasunak argiak dira", adierazi du Remirezek. Zentzu horretan, "horrelako egoerak ez errepikatzeko" lanean ari direla erantsi du presidenteordeak.
Bestalde, erasoa argitzeko lanean ari direla azaldu du buruzagiak. Erasotzailea epailearen esku jarriko dute astelehenean.
1998tik 18 emakume hil dituzte Nafarroan
Nafarroako Gobernuak jakitera eman duenez, 1998ko irailaren 25etik 2018ko urriaren 23ra arte 18 emakume hil ditu indarkeria matxistak Nafarroan.
Iaz, 1.380 salaketa aurkeztu zituzten indarkeria matxistagatik Nafarroan.
Osasun langileek erasoa gaitzetsi dute
Errioxako osasun profesionalen elkargoek eraso matxista gaitzetsi eta errefusatu dute. Horrela, Errioxako Erizain Elkargoak gertatutakoa gaitzetsi eta arbuiatu du agiri batean.
Era berean, Errioxako Medikuen Elkargo Ofizialak "lankide baten" aurkako erasoa "irmo gaitzetsi" du beste ohar batean, "onartezina" delako.
Albiste gehiago gizartea
TAO zerbitzua udan: Hauek dira aldaketa nagusiak Bilbon, Donostian, Gasteizen eta Iruñean
Bilbon bertan behera geldituko da zerbitzua larunbatetan eta jaiegunetan, eta abuztutik aurrera baita arratsaldetan ere. Gasteizen ez da aparkatzeagatik ordaindu beharko abuztuaren 4tik 31ra bitartean. Aitzitik, Donostian larunbat arratsaldeetara eta igande eta jaiegunetara zabalduko da eta Iruñean eguneko 24 orduetan ordaindu beharko da sanferminek irauten duten bitartean.
Ezingo da erre Iparraldeko parke eta hondartza publikoetan, igandetik aurrera
Eskola inguruak, autobus geltokiak eta kiroldegiak ere debeku horren barruan daude. Ez ditu barne hartzen tabernetako terrazak, ezta bapeagailu edo antzekoak ere.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.