Erkidegoak itxita egongo dira San Joseko zubian eta Aste Santuan
Autonomia erkidegoak itxita egongo dira San Joseko zubian, martxoaren 17tik 21era, eta Aste Santuan, martxoaren 26tik apirilaren 9ra.
Halaber, etxeratze-agindua beranduenez 23:00etan ezarri beharko dute eta eremu publikoan 4-6 pertsona elkartu ahalko dira gehienez. Eremu pribatuan, berriz, bizikideak soilik bildu ahalko dira.
Hala erabaki dute arratsalde honetan Osasun Ministerioak eta erkidegoetako ordezkariek Lurraldeen arteko Osasun Batzordearen baitan egindako bileran.
Carolina Darias Osasun ministroak esan du "baldintza minimoak" biltzen dituen ituna dela eta erkidegoek neurri murriztaile gehiago hartzeko aukera izango dutela.
Adostasuna ia erabatekoa izan da. Madrilgo erkidegoko agintariak soilik agertu dira kontra; eta Kataluniako Gobernuak zehaztu du bere kontseilaria abstenitu egin dela.
Eusko Jaurlaritzako Osasun Sailak adierazi du neurriak zorrozteko edo malgutzeko aukera autonomien esku uzten duelako onartu dutela plana. "Aurreikusitakoak baino neurri murriztaile zorrotzagoak ezarri ditugun erkidegoetan gure esku egongo da neurri horiek arintzea edo ez erabakitzea", azaldu du ohar batean.
Joan den ostiralean, LABI aholku batzordeak udal konfinamendua amaitzea, baina Euskal Autonomia Erkidegotik ateratzeko edo bertan sartzeko debekuari eustea erabaki zuen.
Ildo berean, beste hainbat murrizketa indarrean mantentzea adostu zuen, hala nola etxeratze-aginduari (22:00) edota ostalaritza (20:00) eta dendak (21:00) ixteko ordutegiari lotutakoak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.