Hondarribiak Jostaldi pilotalekua prestatu du migratzaileak hartzeko
Hondarribiko (Gipuzkoa) Udalak Jostaldi pilotalekua atondu du Irunera iristen ari diren migratzaileak artatzeko, iragan ostiraletik asko ugaritu delako Afrikatik iritsitako migratzaileen kopurua.
Horixe jakinarazi dute Txomin Sagarzazu alkateak eta Naia Diaz de Corcuera Gurutze Gorriaren Migrazio arduradunak prentsaurreko batean.
Sagarzazuk esan du aurreko ostiraletik zenbait bilera izan dituela Xabier Legarreta Eusko Jaurlaritzaren Migrazio eta Asilo zuzendariarekin. "Kontingentzia Plana abian jarri zenetik, Hondarribiak moduren batean lagundu ote zezakeen galdetu zigun, eta Udalean ez dugu zalantzarik izan aurrerapausoa eman eta Jostaldi pilotalekua eskaintzeko", azpimarratu du.
Gaur bertan jarri da prozesu guztia martxan, eta migratzaileak hartzeko ari dira prestatzen pilotalekua. "Argi adierazi nahi dut Udala laguntzen ari dela, eta buruzagitza Eusko Jaurlaritzarena bada ere, guk lagundu egiten dugula ahal dugun heinean", azaldu du.
Hondarribiko alkateak azpimarratu du pilotalekua "ondo kokatua" dagoela, "irisgarria" dela eta "94 ohe" eskaintzen dituela, "batetik bestera behar den bi metroko distantziarekin".
"Une honetan, migratzaile gehienak Malikoak dira, ia denak gizonezkoak, eta asko Kanarietara iritsi ziren 2020an edo 2021eko hasieran", azaldu du Diaz de Corcuerak.
Irungo Harrera Sarea
Bestalde, Irungo Harrera Sareak dituzten baliabide guztiak erabiltzeko eskatu die euskal erakundeei, eta "kanporatzeak eta arrazakeria amaitzeko".
Ohar batean adierazi duenez, pertsona horien harrera "erakundeen borondate politikoaren araberakoa" da. Horren harira, txalotu egin du Irunen eta Hondarribian migratzaileak artatzeko baliabide gehiago martxan jarri izana.
Gainera, "positibo"tzat jo du Eusko Jaurlaritzak portaera aldatu izana eta haiekin duen elkarrizketa areagotzea, "esfortzuak koordinatu" egin behar direlako.
Irungo Harrera Sareak salatu du Frantziako Poliziak "kontrol arrazistak" egiten dizkiela migratzaileei, eta gaur gauean, "inolako bermerik gabe, bederatzi emakume eta hiru haur kanporatu" dituztela. "Euskal erakundeei eskatzen diegu ahal dituzten baliabide guztiak erabil ditzatela kanporatze horiek eta arrazakeria amai daitezen", azpimarratu du.
Zure interesekoa izan daiteke
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.