Hizkuntza gutxituak ofizialtzeko estatutuak erreformatzea babestu du Kongresuak
Kongresuak berezko hizkuntzak ofizialtzeko estatutuen erreformak babestea eta sustatzea eskatu dio Espainiako Gobernuari. Orain, ikusteko dago Nafarroako Gobernuak eta Parlamentuak ze erantzun emango dioten horri.
Kongresuaren osoko bilkurak, PSOEren aldeko botoekin, hizkuntza gutxituen aldeko ez legezko proposamen baten puntu batzuk onartu ditu.
EH Bilduren ekimena izan da proposamena, eta ERCk, CUPek, BNGk, JxCatek, Pdecatek, EAJk, Compromisek, Mas Paisek eta Unidas Podemosek babestu dute.
Hala ere, proposamenak jasotzen zuen berezko hizkuntzak dituzten lurraldeetan funtzionarioek menderatu egin behar dutela hizkuntza hori, baina puntu hori atzera bota dute. Era berean, errefusatu egin dute estatuko araudian gaztelera legalki inposatzearen aurkako puntua, eta hizkuntza gutxituek gazteleraren errekonozimendu bera izateko ekimenak abian jartzea.
Puntu horietan PSOE eta Unidas Podemos kontra agertu dira, izan ere, sozialistek uste dute eskaera horiek inkonstituzionalak izan zitezkeela.
Hala eta guztiz ere, PSOE alde agertu da beste puntu batzuetan, tartean estatutuak erreformatuz bablea eta aragonesa ofizialtzearen alde.
Puntu horiek 194 aldeko botorekin eta kontrako 153rekin onartu dituzte.
EH Bilduren ekimena hizkuntza gutxituen aldeko hainbat kultur erakundek babestu dute. Hizkuntza gutxituek gaztelerak dituen eskubide berak izatea aldarrikatzen dute, baina PSOEk bozketa puntuz puntu egitea eskatu du, eta puntu hori atzera bota du.
Ekimena babestu duten alderdiek azpimarratu dute proposamenak agerian uzten duela Espainiako Estatuaren nazio aniztasuna, eta hizkuntzen ofizialtasuna berdintasunez aplikatu beharko litzatekeela.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.