Euskadiko Osasun Sailak elikadura-gida berria sortu du
EAEko 2 eta 17 urte bitarteko mutikoen % 8k eta neskatoen % 5,7k obesitatea dute. Hori prebenitzeko, Osasun Sailak familietan elikadura osasuntsua sustatzen duen proposamena argitaratu du. Basque Culinary Centerrek prestatutako zenbait menu eta errezeta biltzen ditu, hala nola egosi eta birrindutako arrautza menestra edota artozko hanburgesak. Gainera, gaztelaniaz eta euskaraz gain, beste hizkuntza batzuetan ere dago eskuragarri (frantsesez, ingelesez, txineraz, arabieraz, portugesez eta errumanieraz), eta menuetarako alternatiba beganoak eskaintzen ditu.
Gida bi zatitan banatuta dago: batean, irudi baten bidez elikagai talde desberdinak eta egunean bakoitzeko zenbat jan gomendatzen du; bestean, lau astetarako menuak proposatzen ditu, elikagai-taldeak kontuan hartuz. Azken horiek hiru sekziotan banatzen dira: fruta eta barazkiak (% 50), proteinak (% 25) eta zerealak eta patatak (% 25).
Gida horri “Mangolsen bidaia” umeen obesitatea jorratzeko joko interaktiboa batu behar zaio, teknologia berriak eta aurrez aurreko kontsultak batzen dituena. Egun, Pediatriako 44 profesionalek erabiltzen dute, baina urte amaierarako profesional gehiagok erabiltzea espero dute.
Tresna hori martxan jarri zenetik, EAEko tratamendua hasi duten 90 familietako 20k amaitu dute, eta hasierako emaitza oso onak izan dituzte: tratatutako umeen osasun fisikoaren eta emozionalaren pertzepzioa hobetu egin da, eguneroko jarduera fisikoa handitu da, gorputz-masaren indizea jaitsi da eta aldaketak izan dira familia osoaren elikadura-ereduetan.
Programa horren alderdi berritzailea da metodologiak Serious Games tresna jasotzen duela; jolas moduan, umeak eta familiak ahalduntzea du helburu, eta pazientea aditu bihurtzea. Horretarako, besteak beste, nutrizioari, elikadurari, jarduera fisikoari, autoestimuari, aisia aktiboari edo etiketen irakurketari buruzko ezagutzak ematen zaizkie. Jolasean pazientearen historia digitala dago integratuta, eta horrek aukera ematen dio profesional sanitarioari bilakaera monitorizatzeko.
Mangolsen Bidaiak “mHealth Hub” Berrikuntzako eta Ezagutzako Europako Hub-aren interesa piztu du. 2020an, Osasun-arloko Alfabetizaziorako Esku-hartze Onenaren saria jaso zuen, Berrikuntza Teknologikoaren eremuan, eta beste hiru sari lortu zituen 2019an.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.