Osasun Departamentuak biharamuneko pilulari buruzko informazio kanpaina abiatu du
Nafarroako Osasun Departamentuak informazio kanpaina jarri berri du martxan farmazia-bulegoetan urgentziazko antisorgailuak —koito ondoko pilula edo biharamuneko pilula— eskatzen dituzten emakumezko erabiltzaileei zuzenduta. Mezu labur eta argien bidez azpimarratu du ez dela erabili behar antisorgailu gisa, ez baitu babesten sexu-transmisiozko gaixotasunengatik.
Kanpaina Osasunbidea-Nafarroako Osasun Zerbitzuko Farmazia komunitarioko, Lehen Mailako Arretako eta farmaziako ordezkariek osatutako lantalde batek diseinatu du. Era berean, Osasunbidearen eta Sexu eta Ugalketa Osasunaren Arretarako Zentroen babesa du.
Erabiltzaileei antisorgailu gisa ez erabiltzeko mezua helarazi nahi die kanpainak. Izan ere, pilulak ez du babesten sexu-transmisiozko gaixotasunengatik eta beste metodoek hobeto saihesten dituzte haurdunaldiak. Orobat, emakumeei harreman sexual seguru eta osasuntsuak izateko aukera eman nahi die.
Hori horrela, farmazialariak egiaztatuko du pilula eskatzea egokia ote den eta erabiltzaileak hura erabiltzeko informazio guztia duela. Botikarekin batera, mezu labur eta argiak dituen inprimaki batzuk emango dizkio.
Helburua da andrazkoak jakitea zeintzuk diren eskuragarri dituen baliabide publikoak. Inprimakietan QR kode bat dago, eta horren bitartez, Sexu eta Ugalketa Osasunaren Arretarako Zentroarekin harremanetan jarri ahal da erabiltzailea, bere neurrirako informazioa, aholkularitza eta arreta jasotzeko.
2009tik ez da beharrezkoa errezeta biharamuneko pilula erosteko. Dena dela, farmazialariak emakumeak behar duen informazio guztia ematen saiatzen dira.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.