Etxeetan bizikideak bakarrik biltzeko araua indarrean sartu da, Aste Santurako
Gaur, martxoak 28, indarrean sartu dira Lurralde arteko Osasun Batzordeak autonomia erkidego guztietarako onartutako murrizketak. San Jose zubian indarrean egon ostean, berriz aktibatuko dira Aste Santuan zehar, apirilaren 9ra arte.
Erkidegoen arteko mugikortasunari, gaueko mugikortasunari eta eremu pribatuan zein publikoan egiten diren bilkurei eragiten diete. 2021eko San Jose jaiegunaren eta Aste Santuaren harira osasun publikoaren alorrean jarraitu beharreko jardunbide koordinatuen Adierazpenean daude jasota.
Akordioa hilaren 10an adostu zuten erkidegoek eta Espainiako Gobernuak. Espazio pribatuetako bilkurak mugatzeaz gain, beste murrizketa batzuk jasotzen ditu itunak covid-19aren hedatzea geldiarazteko asmoz. Hala nola, erkidegoen itxiera perimetrala (Kanariak eta Balearrak kenduta), etxeratze agindua (gehienez, 23:00etatik 06:00etara) eta espazio publikoetan bildu ahal daitezkeen pertsona kopurua. Azken horretan, espazio publiko itxietan gehienez lau pertsona elkartu ahalko dira, eta irekietan, asko jota, sei.
Euskal Autonomia Erkidegoaren kasuan, Estatu mailako akordioa baino murriztaileagoa da hainbat kasutan martxoaren 5eko lehendakariaren dekretua. Euskadin 22:00etatik hasita dago debekatuta mugikortasuna. Espazio publikoetan, izan itxiak edo irekiak, lau pertsona bil daitezke gehienez. Hortaz, aldaketa bakarra egongo da bi aste hauetan: espazio pribatuan (etxebizitzak, nekazal turismoko etxeak eta tankerakoak) bizikideetara mugatu beharko dira bilkurak.
Edozein kasutan, EAEn neurri murriztaileagoak espero dira. 16:30etan bilduko den LABIk 400 kasutik gorako intzidentzia tasa duten udalerriak edo lurraldeak itxi litzake.
Nafarroan, momentuz, bi neurriri eragingo die Lurraldeen arteko Batzordearen itunak: ostalaritza establezimendu baten barrualdean bil daitekeen pertsona kopuruari (seitik laura igaroko da) eta, EAEn bezala, espazio pribatuko bilkurei (bizikideak bakarrik).
Santos Indurain sailburuak neurri murriztaileagoak iragarriko ditu 13:00etan. Horien artean tabernen barrualdea ixtea dago. Beraz, Nafarroan indarrean egongo diren neurriak Lurralde arteko Batzordean hartutakoak baino murriztaileagoak izango dira ostalaritza establezimenduei dagokienez.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.