Espainiak 60 eta 65 urte bitartekoentzat utzi du AstraZenecaren txertoa
Osasun Ministerioak eta erkidegoek asteazken honetan, Osasun Sistema Nazionalaren Lurralde arteko Kontseiluaren osoko bilkuran, "badaezpada" 60 urtetik beherakoen artean AstraZenecaren txertaketa gelditzea eta 60 eta 65 urte bitartekoen artean ematen jarraitzea erabaki dute.
Gainera, Osasun Publikoaren Batzordearen esku utzi dute inokulazioa 65 urtetik 70 urtera luzatzeko erabakia.
Autonomia erkidego guztiak proposamenaren alde agertu dira, Madril izan ezik; izan ere, kontrako botoa eman du, adin tartea 65etik gora zabaltzearen aldekoa zelako, eta Euskadi eta Ceuta abstenitu egin dira.
Horren harira, Maria Jesus Lamas Sendagaien eta Osasun Produktuen Espainiako Agentziako zuzendariak prentsaurrekoan jakinarazi duenez, Espainian "oso gutxitan" agertu diren 12 tronbo kasu jakinarazi dituzte, inokulatutako 2,1 milioi pertsonetan.
"Txertoek gaixotasunak prebenitzeko balio dute, eta onartutako eta covidaren aurrean erabiltzen ari diren guztiak eraginkorrak eta seguruak dira, eta modu erabakigarrian laguntzen ari dira covid-19aren inpaktua murrizten. Nahiz eta kontrako gertaerak agertu, ez da txertoekiko konfiantza gutxitu behar", adierazi du Llamasek.
Osasun Sistema Nazionaleko Lurralde arteko Kontseiluaren bilera Europar Batasuneko Osasun ministroen arteko bilera baten ostean izan da, eta bilera horretan Osasun Publikoaren Batzordeak txerto horrekin 65 urtetik gorakoen txertaketa aztertzea ere adostu dute.
Hain zuzen ere, bilera horretan, Carolina Darias Osasun ministroak zehaztu duenez, AstraZenecaren txertoaren lehen dosia jaso duten 60 urtetik beherako pertsonekin zer egin aztertu dute, baina ez dute horri buruzko ondoriorik atera.
"Erresuma Batuan aztertzen ari diren moduan, bigarren dosia beste txerto batekin emateko aukera ote dagoen ikusteko dago; edo dosi bat uztea, fitxa teknikoak erakusten baitu % 70eko eraginkortasuna duela. Hala ere, Europan erabakitzen denaren zain egongo gara", argudiatu du ministroak.
Azkenik, Dariasek aurreratu du aste honen amaieran Modernaren txertoaren 328.000 dosi inguru jasoko dituztela; hori dela eta, txertoaren prozesua "erritmoa hartzen ari dela" eta koronabirusaren aurrean "itxaropena dutela" gaineratu du.
Izan ere, neurri hori Sendagaien Europako Agentziaren segurtasun-batzordeak txerto horren eta plaketa-maila baxuko odol-koaguloen artean "balizko harremana" dagoela ondorioztatu ondoren hartu dute.
Gainera, Europako agentziaren arabera, kontrako gertaera horiek txertoaren albo-ondorio "oso arraroen" zerrendan agertu behar dute, eta "txertoaren onurek arriskuak gainditzen dituzte".
Italiak ere 60 urtetik gorakoei emango die AstraZenecako txertoa, segurtasunagatik; eta, Belgikak, datozen lau asteetan, 55 urtetik gorakoei bakarrik emango diela iragarri du.
Bestalde, Rick Suarez AstraZeneca Españako presidenteak adierazi du konpainiak errespetua diola Osasun Ministerioak eta erkidegoek asteazken honetan Osasun Sistema Nazionaleko Lurralde arteko Kontseiluan hartutako erabakiari.
Albiste gehiago gizartea
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du zauriturik utzi. Gertakariak telefono mugikor batekin grabatzen topatu dute inguru horretan atxilotutako gizona.
Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"
Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.
Gasteizko Mugimendu Feministak "intentsitate handiko" bi sexu-eraso salatu ditu ostegun gauean
Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.
Neolitoko kanibalismoaren aztarna berriak aurkitu dituzte Atapuercan
Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.