EBk jarrera koordinatua eskatu du AstraZenecaren inguruan
Europako Batzordeak AstraZenecari buruzko jarrera "ahalik eta koordinatuena" bilatzeko eskatu die Europar Batasuneko hogeita zazpi kideei; Osasun ministroek hainbat interpretazio egin dituzte asteazken honetan egindako bileran eta txertoaren eraginari buruzko ikerketa gehiago eskatu dituzte.
Hala, Europako Batzordeak erantzun "ahalik eta koordinatuena" emateko eskatu arren, AstraZenecaren erabileraren inguruan ez dute jarrera bateratua lortu.
Blokeko Osasun ministroak bideokonferentzia bidez bildu dira Sendagaien Europako Agentziaren ondorioak aztertzeko, AstraZenecak ezohiko tronboen kasuekin duen "balizko lotura" berretsi baitu, baina txertoaren onurei buruzko iritzi positiboa mantendu du.
Bileran, "EBko estatu kideek ondorioei buruzko interpretazio ezberdinak partekatu dituzte", Europar Batasuneko presidenteak jakitera eman duenez.
Portugalek eta Batzordeak eskatzen zuten erantzun "koordinatua" lortzea ezinezkoa izan da, izan ere, "ahots bakarra" lortzen ez bada, herritarrak "nahasteko" arriskuei buruz ohartarazi dio Europako Batzordeari.
"Europan jarrera koordinatua izatea ezinbestekoa da. Jarrera horrek ez ditu herritarrak nahasten eta ez du txertoaren inguruko zalantzarik elikatzen, zientzian oinarrituta baitago", eskatu du Stella Kyriakides Europako Osasun komisarioak.
Talde zehatzei egindako azterketak
EBko herrialdeak, ostera, ados jarri dira AstraZenecaren txertoak adin talde zehatzetan dituen eraginei buruzko ikerketa gehiago eskatzerakoan.
Sendagaien Europako Agentziako adituek ez dute argitu tronbosi kasu horien arrazoia zein izan daitekeen, gaixoen adina, sexua edota osasun historia aztertu eta gero. Alabaina, pertsona horien sistema immunitarioaren erantzunaren ondorioa izan litekeela uste dute. Edonola ere, datozen asteetan informazioa biltzen eta ikertzen jarraituko dutela erantsi dute.
Hori dela eta, 27 herrialdeek azterketa berriak eskatu dituzte esku artean informazio gehiago izateko.
Hainbat herrialdek AstraZenecaren erabilera mugatu dute
Jarrera bateraturik lortu ezinda, AstraZenecaren txertoaren erabilera mugatzea erabaki dute hainbat herrialdek.
Italiak, esaterako, AstraZenecaren "lehentasunezko erabilera" 60 urtetik gorakoentzat gomendatu du.
Belgikak are gehiago mugatu du txertoa, eta 55 urtetik gorakoei soilik jarriko die datozen lau asteetan.
Frantzian, momentuz, 55 urtetik gorakoei jartzen jarraituko dute.
Alemaniak aurretik erabakia zuen txerto hori 60 urtetik beherakoei ez jartzea.
Bestalde, Erresuma Batuak 30 urtetik beherakoei AstraZeneca ez jartzea agindu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.