Maskara hondartzan: bakarrik segurtasun distantziarik ez badago eta paseatzeko
Egindako bidean atzera egin du Espainiako Osasun Ministerioak, eta maskara ez da une oro hondartzan jantzita eraman beharko. Hasieran esandakoaren kontra, 1,5 metroko segurtasun-tartea gorde ezin bada eta paseatzeko soilik izango da derrigorrezkoa, proposamenaren arabera.
Hedabideetara iritsi den Osasun Ministerioaren zirriborroan irakur daitekeenez, hondartzan maskara janztea derrigorrezkoa izango da 1,5 metroko tartea errespetatu ezin bada eta paseatzeko; bainua hartzeko edo uretan kirola egiteko, ordea, ez. Halaber, maska janztetik salbuetsita egongo dira jarduera fisikoa egin bitartean edo ostean toki finko batean atseden hartzen ari diren pertsonak.
Osasun Sailaren proposamenaren arabera, maskara ez da derrigorrezkoa izango kasu hauetan:
- Itsasoan, aintziretan, urtegietan, ibaietan edo beste ingurune natural batzuetan, igerileku irekietan edo estalietan bainua hartzeko.
- Uretan kirola egiteko, ingurunea naturala zein artifiziala denean.
- Bainatu aurreko edo ondorengo atsedenaldi garaian.
- Uretan egindako erreskateetan edo sorospen jardueretan.
- Jateko edo edateko garaian.
Aldiz, beste kasu hauetan, derrigorrezkoa izango da:
- Hondartza, laku eta gainerako ingurune naturaletarako sarbideetatik paseatzeko.
- Itsasertzetik eta gainerako ingurune akuatikoetatik paseatzeko.
- Igerileku publiko edota komunitarioetako aldageletan, dutxetan izan ezik.
- Ostalaritzako establezimenduen kanpoaldean edo barruan, jateko edo edateko orduan izan ezik.
Asteazkenero bezala, Espainiako Osasun Ministerioak eta autonomia erkidegoek Osasun Sistema Nazionaleko Lurraldearteko Kontseiluaren bilera dute gaurkoan, eta, besteak beste, maskararen derrigorrezko erabilera izango dute hizpide bertan.
Gaur egun indarrean dagoen "Normaltasun berriaren legea"ren arabera, maskararen erabilera derrigorrezkoa da aire zabaleko tokietan, baita 1,5 metroko segurtasun distantzia errespetatzeko aukera dagoenean ere.
Zure interesekoa izan daiteke
Euri zaparradak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.