Gasteizek Internet bidez eta publikorik gabe ospatuko du San Prudentzioko erretreta
Gasteizek sanprudentzioetako erretreta tradizionala ospatuko du datorren apirilaren 27an Iradier Arena pabiloian, baina publikorik gabe. Ekitaldia Internet bidez jarraitzeko aukera egongo da, Arabako zaindariaren jaien harira prestatutako bost ekitaldiko egitarau txiki baten baitan.
Ana del Val Kultura diputatuak aurten egingo diren ekitaldien berri eman du, herritarrek pandemiak berriro markatutako jaiak omentzeko, "ez ospatzeko", aukera izan dezaten. Arabako Foru Aldundiak alde batera utzi ditu jende-pìlaketak eragin ditzaketen ekitaldiak, eta, Del Valek argitu duenez, "ez da jairik izango", lurraldean "bizitzen jarraitzen dugun egoera dela eta".
Gorka Urtaran Gasteizko alkateak ere "pilaketak" saihestera eta "bizikideen arteko kontaktua" soilik izateko eskatu die herritarrei. Gogorarazi du ez dela "ospakizunetarako garaia" eta Udaltzaingoak "arrisku-egoerak ekiditeko" beharrezko baliabideak ipiniko dituela.
Egitarau berezia
- Apirilaren 22an Santa Maria katedralak Maite Ruiz de Austri (iazko pregoilaria) zinema-zuzendariaren ekitaldia hartuko du, eta Amaia Elizaran dantzaria Alos Quartet taldearekin batera arituko da.
- Apirilaren 24ko goizean, Probintzia plazan, Arabako kuadrillen inguruko erakusketa egongo da ikusgai.
- Apirilaren 27rako, Iradier Arenan egitekoa den ekitaldiaz gain, herritarrak balkoietatik danborradan parte hartzera gonbidatu dituzte. Horretarako, bozgorailuak jarriko dituzte Gasteizko elizetan.
Egun berean, Udal Folklore Akademiak, Indarra Dantza Taldearekin batera, musika eta dantza tradizionaleko ikuskizuna egingo du Felix Petite antzokian.
- Apirilaren 28an, San Prudentzio egunean, Probintzia plazan, “Araba” zortzikoa joko du Arabako Foru Aldundiko Txistulari bandak, herritarrei itxitako ekitaldi batean eta aginteen parte-hartzearekin.
Era berean, erakundeek azaldu dutenez, ez dute bestelako ekitaldirik antolatuko egun horretarako, Armentiako landetan erromeria ospatu ohi bada ere.
- Bukatzeko, maiatzaren 1eko Estibalizko Amaren eguna ospatzeko, aurresku eta dantza solteko txapelketa izango da 12:30 eta 14:00ak bitartean Iradier Arenan, Arabako Dantzarien Biltzarraren eskutik.
Zure interesekoa izan daiteke
Heldu da egun historikoa: gaurko eklipseaz gozatzeko jakin beharreko guztia
Duela mende bat baino gehiago ikusi zen azkenekoz eklipse oso bat Euskal Herrian, eta hurrengoa 375 urte barru izango dugu. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste.
Laredoko alkateak ukatu egin du herrian euskal udatiarren aurkako jazarpenik dagoenik
Laredon uda igarotzen duten hainbat familiak salatu dutenez, euskal herritarrak izate hutsagatik egin diete eraso. Hala ere, alkateak ukatu egin du "euskal herritarren kontrako jazarpenik dagoenik", eta kasu bakanak direla ziurtatu du.
Horrela bizi izan zuten lurrikara Kolonbian dauden hainbat euskal herritarrek
Kolonbian dauden euskaldun batzuekin hitz egiteko aukera izan dugu. EHUko medikuntzako ikasle batzuekin eta lagun talde gipuzkoar batekin izan gara. Oraindik gorputzetik beldurra kendu ezinik daude, baina eskertuta onik daudelako.
Osakidetzak arreta oftalmologikoa indartuko du Larrialdietan, eklipsearen ondorioei aurre egiteko
Euskal Osasun Sistemak etengabe jarraituko du asistentzia-jarduera eklipsearen egunean eta ondorengoetan, baliabideak egokituz eta espezialistak aktibatuz.
Villalibado, NASAk eklipsea ikusteko aukeratutako herria
NASAko eta San Frantziskoko Exploratoriumeko 30 bat ikertzailek Villalibado hartu dute, Burgosko probintziako herri erdi abandonatu bat, eguzki-eklipsea jarraitzeko. Fenomeno astronomikoa aztertuko dute eta, gainera, zuzenean emango dute, 10 milioi pertsonak baino gehiagok ikusteko aukera izan dezaten.
Kezka nagusi Euskadin bizi diren kolonbiarren artean: "Komunikazioak kolapsatuta daude"
Johana Garcia Osorio Euskal Herrian bizi diren 19.000 kolonbiarretako bat da. Lurrikara gertatu zenetik, ez dute izeba baten berririk.
Jaurlaritzak LABI alerta-fasean ezarriko du, eguzki-eklipsea eta tenperatura altuengatik
Dispositibo berezia asteazken honetako 15:00etan abiatuko du. Eklipsea gertuko leku batetik behatzea, joan-etorriak saihestea eta betaurreko homologatuak bakarrik erabiltzea gomendatu du Jaurlaritzak.
Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak
19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.