AstraZenecaren bigarren dosia ematea beharrezkoa dela ebatzi du Europako Agentziak
Sendagaien Europako Agentziak berretsi egin du AstraZenecaren txertoaren bigarren dosia hartzea ezinbestekoa dela, lehendabizikoa hartu eta lau edo 12 asteko epean, hain zuzen ere.
Agentziak aukera ezberdinak aztertu ditu: bigarren dosia ez ematea; ARNm motako beste txerto bat jartzea, Pfizer-BioNTech konpainiarena, esaterako; edo bigarren dosia emateko epea hiru hilabetetik aurrera luzatzea. Alabaina, orain arteko gomendioa aldatzeko arrazoi zientifikorik ez dagoela azpimarratu du.
AstraZenecaren txertoa hartu duten milioika herritarren artean zenbait tronbosi kasu izan badira ere, Sendagaien Europako Agentziak enegarrenez baieztatu du segurua eta eraginkorra dela, ospitaleratzeak eta heriotzak ekiditen dituelako. Eta hainbat datu eman ditu hala dela erakusteko.
80 urtetik gorako pertsonen artean eta 100.000 biztanleko, 1.239 adineko ospitaleratzea eta 110 zainketa intentsiboetako unitatera eramatea saihestu da, lehendabiziko dosia hartuta. Halaber, kolektibo horretan 0,4 tronbosi kasu baino ez dira izan.
40 eta 49 urte bitartean antzeman dituzte tronbosi kasu gehienak (2,1) lehen dosia eman eta gero. Bada, adin tarte horretan eta 100.000 biztanleko 122 pertsona erietxera eramatea eta beste 15 zainketa intentsiboetako unitateetan ingresatzea ekin da.
Gauzak horrela, Agentziak berriro ebatzi du AstraZenecaren txertoa eraginkorra dela covid-19ari aurre egiteko, ospitaleratzeak eta heriotzak saihesten dituelako, eta berriz nabarmendu du tronbosiak "ezohikoak" direla –kasu bat, txertoa hartu duten 100.000 laguneko- eta ohiko albo-ondorioak arinak izaten direla eta egun gutxitan desagertzen direla.
Amaitzeko, gogoratu du erakunde horren lehentasuna baimendutako txerto guztiak seguruak direla bermatzea dela eta, ondorioz, ziurtatu du datu berriak agertu ahala ikertzen jarraituko dutela.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.