Bost lagun atxilotu dituzte Donostian, desobedientzia eta Ertzaintza erasotzeagatik
Bost pertsona atxilotu ditu Ertzaintzak azken orduetan Donostian, osasun legedia hausteagatik, agenteen aginduak ez betetzeagatik eta eraso egiteagatik, Segurtasun Sailak jakitera eman duenez.
23:30ean, San Martin kale inguruan zebilen patruilak bi gizon eta emakume bat gelditu ditu, etxeratze aginduak markatzen duen ordutegitik kanpo kaletik ibiltzeagatik. Ertzaintzaren arabera, agenteek esandakoa aintzat ez hartzeaz gain, patruilaren kontra egin dute eta ertzainei eraso egin diete. Hala, hirurak atxilotu dituzte, autoritatearen aurkako atentatua leporatuta.
Bestetik, Gipuzkoako hiriburuan bertan eta goizaldeko ordu bata aldera, etxe bizitza batean egiten ari ziren ustezko festara bertaratu da Ertzaintza. Han, 21 pertsona identifikatu eta bi atxilotu dituzte, desobedientziarengatik.
Identifikazioak Sopelan, Igorren eta Barrundian
Bizkaian, 29 pertsona identifikatu ditu Ertzaintzak Sopelako hondartzan segurtasun neurriak bete gabe biltzeagatik. Goizaldean izan da eta 60 isun jarri dituzte guztira.
Gainera, Igorreko aparkaleku batean antzerako egoera gertatu da bart. Bertan, agenteek 35 gazte identifikatu dituzte eta 46 espediente zabaldu.
Azkenik, Barrundian (Araba) Poliziak 18 pertsonari eskatu zien dokumentazioa arratsaldeko lehen orduan, osasun legedia errespetatu barik elkartzeagatik.
Zure interesekoa izan daiteke
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.